12

സോ​ണി​യ ഗാ​ന്ധി​യു​ടെ ആ​ത്മ​ക​ഥ 'ബി​ലോംഗിം​ഗ്: എ ​ജേ​ർ​ണി ഓ​ഫ് ല​വ്' സി​നി​മ​യാ​കു​ന്നു. തെ​ല​ങ്കാ​ന കോ​ൺ​ഗ്ര​സി​ലെ മു​തി​ർ​ന്ന നേ​താ​വ് ജ​ഗ്ഗ റെ​ഡ്ഡി​യാ​ണ് സി​നി​മ​യു​ടെ പ്ര​ഖ്യാ​പ​നം ന​ട​ത്തി​യ​ത്. നി​ർ​മാ​ണ​ത്തി​നാ​യി കോ​ൺ​ഗ്ര​സ് ക​ൺ​വീ​ന​ർ ജു​ല​കാ​ന്തി ആ​ഞ്ജ​നേ​യു​ലു ര​ണ്ടു കോ​ടി രൂ​പ വാ​ഗ്ദാ​നം ചെ​യ്തി​ട്ടു​ണ്ട്. പാ​ർ​ട്ടി പ്ര​വ​ർ​ത്ത​ക​ർ സാ​മ്പ​ത്തി​ക സ​മാ​ഹ​ര​ണം ന​ട​ത്ത​ണ​മെ​ന്നും ജ​ഗ്ഗ റെ​ഡ്ഡി ആ​വ​ശ്യ​പ്പെ​ട്ടു.

സി​നി​മ​യു​ടെ പ്രാ​ഥ​മി​ക പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കു​ന്ന​തി​നാ​യി അ​മ്പ​തം​ഗ സ​മി​തി രൂ​പീ​ക​രി​ക്കാ​ൻ ജ​ഗ്ഗ റെ​ഡ്ഡി നി​ർ​ദേ​ശം ന​ൽ​കി. സി​നി​മ​യു​ടെ ചി​ത്രീ​ക​ര​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കു​ന്ന​തി​നാ​യി തെ​ല​ങ്കാ​ന മു​ഖ്യ​മ​ന്ത്രി രേ​വ​ന്ത് റെ​ഡ്ഡി, ടി​പി​സി​സി പ്ര​സി​ഡ​ന്‍റ് മ​ഹേ​ഷ് കു​മാ​ർ ഗൗ​ഡ് എ​ന്നി​വ​രെ ഔ​ദ്യോ​ഗി​ക​മാ​യി ക്ഷ​ണി​ക്കു​മെ​ന്നും അ​റി​യി​ച്ചി​ട്ടു​ണ്ട്.

യു​ദ്ധാ​ന​ന്ത​ര കാ​ല​ഘ​ട്ട​ത്തി​ലെ ഇ​റ്റ​ലി​യി​ലെ ബാ​ല്യം, രാ​ജീ​വ് ഗാ​ന്ധി​യു​ടെ ഭാ​ര്യ​യാ​യി ഇ​ന്ത്യ​യി​ലെ​ത്തി​യ​തു​മു​ത​ലു​ള്ള ജീ​വി​ത​യാ​ത്ര, ഇ​ന്ദി​ര ഗാ​ന്ധി​യു​ടെ​യും രാ​ജീ​വ് ഗാ​ന്ധി​യു​ടെ​യും ദാ​രു​ണ​മാ​യ വ​ധ​ത്തി​നു​ശേ​ഷ​മു​ള്ള കു​ടും​ബാന്തരീക്ഷം, മ​ക്ക​ളെ വ​ള​ർ​ത്തു​ന്ന​തി​ൽ സോ​ണി​യ ഗാ​ന്ധി നേ​രി​ട്ട വെ​ല്ലു​വി​ളി​ക​ൾ തുടങ്ങിയ ജീവിതസന്ദർഭങ്ങൾ ദൃ​ശ്യ​വ​ത്ക​രി​ക്കും.

മാ​ത്ര​മ​ല്ല, കോ​ൺ​ഗ്ര​സ് പാ​ർ​ട്ടി​യി​ലേ​ക്കു​ള്ള ക​ട​ന്നു​വ​ര​വും രാഷ്ട്രീ​യ ച​രി​ത്ര​ത്തിലെ നി​ർ​ണാ​യ​ക​മാ​യ പ​ല സ​ന്ദ​ർ​ഭ​ങ്ങ​ളും ചി​ത്ര​ത്തി​ൽ പ്ര​തി​ഫ​ലി​ക്കും. രാ​ജീ​വ് ഗാ​ന്ധി​യു​ടെ മ​ര​ണ​ശേ​ഷം പ്ര​ധാ​ന​മ​ന്ത്രി പ​ദ​ത്തി​ലേ​ക്കു വ​രാ​തി​രു​ന്ന​തും, പി​ന്നീ​ട് യു​പി​എ സ​ർ​ക്കാ​രി​ന്‍റെ കാ​ല​ത്ത് ആ ​പ​ദ​വി ഒ​ഴി​വാ​ക്കി ഡോ. ​മ​ൻ​മോ​ഹ​ൻ സിം​ഗി​നെ നി​ർ​ദേ​ശി​ച്ച​തു​പോ​ലു​ള്ള ച​രി​ത്ര​പ​ര​മാ​യ തീ​രു​മാ​ന​ങ്ങ​ളും ച​ർ​ച്ച​യാ​കും.

സി​നി​മ​യു​ടെ മ​റ്റു വി​വ​ര​ങ്ങ​ൾ വ​രും ദി​വ​സ​ങ്ങ​ളി​ൽ പ്ര​ഖ്യാ​പി​ക്കും. കൂ​ടാ​തെ, സോ​ണി​യ​യു​ടെ ആ​ത്മ​ക​ഥ​യു​ടെ കോ​പ്പി​ക​ൾ പ്ര​വ​ർ​ത്ത​ക​ർ​ക്കി​ട​യി​ൽ വി​ത​ര​ണം ചെ​യ്യു​മെ​ന്നും ജ​ഗ്ഗ റെ​ഡ്ഡി വ്യ​ക്ത​മാ​ക്കി.