കൊച്ചി: സംസ്ഥാനത്തെ ജയിലുകളിലെ സുരക്ഷാസംവിധാനങ്ങള് ശക്തിപ്പെടുത്തുന്നതിന്റെ ഭാഗമായി പത്തനംതിട്ടയില് സെന്ട്രല് ജയില് സ്ഥാപിക്കണമെന്നു ജസ്റ്റീസ് സി.എന്. രാമചന്ദ്രന് നായര് അംഗമായ ജയില് പരിഷ്കരണ കമ്മീഷന്റെ ശിപാര്ശ.
2025 ജൂലൈ 24ന് കണ്ണൂര് സെന്ട്രല് ജയിലില്നിന്ന് ഗോവിന്ദച്ചാമി തടവുചാടിയ സംഭവത്തെത്തുടര്ന്നാണ് സുരക്ഷാക്രമീകരണങ്ങള് പരിശോധിക്കാന് കമ്മീഷനെ സര്ക്കാര് നിയോഗിച്ചത്.
ജസ്റ്റീസ് സി.എന്. രാമചന്ദ്രന്നായരും മുന് ഡിജിപി ജേക്കബ് പുന്നൂസുമാണ് കമ്മീഷന് അംഗങ്ങള്. സംസ്ഥാനത്തെ വിവിധ ജയിലുകള് നേരിട്ടു സന്ദര്ശിച്ചശേഷമാണു റിപ്പോര്ട്ട് തയാറാക്കിയത്.
നൂറു വര്ഷത്തിലേറെ പഴക്കമുള്ള കണ്ണൂര്, തിരുവനന്തപുരം, തൃശൂര് സെന്ട്രല് ജയിലുകള് നവീകരിക്കണമെന്നും റിപ്പോര്ട്ടില് ശിപാര്ശ ചെയ്യുന്നു. ജയില് ജീവനക്കാരുടെ എണ്ണം ഉടന് വര്ധിപ്പിക്കണമെന്നും വിരമിച്ച ജീവനക്കാരെ താത്കാലികമായി നിയമിക്കണമെന്നും റിപ്പോര്ട്ട് നിര്ദേശിക്കുന്നു.
E-paper LOGIN
LOGIN
