ലണ്ടൻ: ബ്രിട്ടീഷ് തലസ്ഥാനമായ ലണ്ടനിൽ യഹൂദ വംശജരുടെ സംരക്ഷണത്തിനായി പോലീസ് പ്രത്യേക സേന രൂപവത്കരിക്കുന്നു. തീവ്രവാദവിരുദ്ധ സേനാംഗങ്ങൾ അടക്കം നൂറോളം ഉദ്യോഗസ്ഥർ ഈ ടീമിലുണ്ടാകുമെന്നാണ് അറിയിപ്പ്.
അടുത്തകാലത്ത് യഹൂദർക്കു നേരേ ആക്രമണം വർധിച്ച പശ്ചാത്തലത്തിലാണിത്. ഇസ്ലാമിക ഭീകരവാദികൾ, തീവ്ര ഇടത്-വലത് സംഘടനകൾ എന്നിവരിൽനിന്ന് യഹൂർ വലിയ ഭീഷണി നേരിടുന്നതായി ലണ്ടൻ പോലീസ് മേധാവി മാർക്ക് റൗലി പറഞ്ഞു.
മാർച്ച് അവസാനം മുതലാണ് ആക്രമണങ്ങൾ വർധിച്ചത്. യഹൂദരുടെ സിനഗോഗുകളും സമുദായത്തിന്റെ ഉടമസ്ഥതയിലുള്ള ആംബുലൻസുകളും ആക്രമിക്കപ്പെട്ടിരുന്നു. കഴിഞ്ഞയാഴ്ച രണ്ടു യഹൂദർക്കു കുത്തേറ്റു.
യഹൂദവിരുദ്ധതയുമായി ബന്ധപ്പെട്ട് അന്പതോളം പേർ നാലാഴ്ചയ്ക്കിടെ അറസ്റ്റിലായിട്ടുണ്ട്. ആക്രമണങ്ങൾക്ക് ഇറാനുമായി ബന്ധമുണ്ടോ എന്നതിലും അന്വേഷണം നടക്കുന്നു. ഇറേനിയൻ ഭരണകൂടം ക്രിമിനൽ സംഘങ്ങളെ ഉപയോഗിച്ച് ആക്രമണം നടത്തുന്നതായാണ് സംശയം.
യഹൂദവിരുദ്ധത നേരിടാനായി ബ്രിട്ടീഷ് പ്രധാനമന്ത്രി കീയർ സ്റ്റാർമർ തിങ്കളാഴ്ച ബിസിനസ്, സാംസ്കാരിക, ആരോഗ്യ രംഗങ്ങളിലെ നേതാക്കളുടെ യോഗം വിളിച്ചുചേർത്തിരുന്നു.
Deepika
E-paper LOGIN
LOGIN