അഗളി: കാരറ സെന്റ് ജോസഫ് ഇടവകയുടെ സുവർണജൂബിലിക്കും തിരുനാൾ ആഘോഷത്തിനും ഇന്ന് കൊടിയേറും. രാവിലെ പത്തിന് ഫാ. സെബാസ്റ്റ്യൻ മംഗലൻ കൊടിയേറ്റ് കർമം നിർവഹിക്കും. തുടർന്ന് വിശുദ്ധ കുർബാന, വചനസന്ദേശം, ലദീഞ്ഞ് എന്നിവ നടക്കും. നാളെ മുതൽ 16വരെ വൈകുന്നേരം അഞ്ചിന് വിശുദ്ധ കുർബാന, വചനസന്ദേശം, ലദീഞ്ഞ് എന്നിവ നടക്കും.
16 ന് വൈകുന്നേരം ആറരയ്ക്ക് ഇടവകക്കാരുടെ കലാപരിപാടികൾ. 17 ന് വൈകുന്നേരം മൂന്നിന് ജൂബിലി സമൂഹബലിക്ക് ബിഷപ് മാർ പീറ്റർ കൊച്ചുപുരയ്ക്കൽ കാർമികത്വം വഹിക്കും. 5.45 ന് ഗുഡ്ഡയൂർ കുരിശടിയിലേക്ക് പ്രദക്ഷിണം. ഏഴിന് സ്നേഹവിരുന്ന്. 7.30 ന് ആകാശവർണവിസ്മയം. തുടർന്ന് പൊതുസമ്മേളനവും സമർപ്പിതസംഗമവും ബിഷപ് ഉദ്ഘാടനം ചെയ്യും. ഫാ. സേവ്യർഖാൻ വട്ടായിൽ അനുഗ്രഹപ്രഭാഷണം നടത്തും.
18 ന് രാവിലെ പത്തിന് തിരുനാൾകുർബാന. വചനസന്ദേശം, ലദീഞ്ഞ് എന്നിവയ്ക്ക് കാനഡ മിസിസാഗ രൂപത മെത്രാൻ മാർ ജോസ് കല്ലുവേലിൽ കാർമികത്വം വഹിക്കും. തുടർന്ന് കാരറ ജംഗാഷനിലേക്ക് പ്രദക്ഷിണം. സ്നേഹവിരുന്ന്. വൈകുന്നേരം ആറരയ്ക്ക് ഗാനമേള. 19 ന് രാവിലെ 6.45 ന് പരേതസ്മരണ. മരിച്ചവർക്കു വേണ്ടിയുള്ള കുർബാന, ഒപ്പീസ്. തുടർന്ന് തിരനാളിന് കൊടിയിറങ്ങും.
തിരുനാൾ പരിപാടികൾക്ക് വികാരി ഫാ. ജോഷി പുത്തൻപുരയിൽ, കൈക്കാരന്മാരായ ജോണി മംഗലത്ത്, ബാബു കൊച്ചുപറന്പിൽ, ഷിബു കടന്പനാട്ട്, കണ്വീനർ ജെയ്മോൻ പാറയാനിയിൽ, ദേവാലയ ശുശ്രൂഷി ജോണ് മുല്ലപ്പള്ളി എന്നിവർ നേതൃത്വം നൽകും.