കൊച്ചി: തൃശൂര് മുണ്ടത്തിക്കോട് വെടിക്കെട്ടുപുര സ്ഫോടനത്തില് ഏകാംഗ ജുഡീഷല് കമ്മീഷന് ഉടന് അന്വേഷണറിപ്പോര്ട്ട് സമര്പ്പിക്കുമെന്ന് സര്ക്കാര് ഹൈക്കോടതിയെ അറിയിച്ചു. ജസ്റ്റീസ് സി.എന്. രാമചന്ദ്രന് നായര് കമ്മീഷന് ഏപ്രില് 29ന് സംഭവസ്ഥലം സന്ദര്ശിച്ചിരുന്നു.
അനുവദനീയമായതിലും കൂടുതല് തൊഴിലാളികള് പടക്കനിര്മാണ സ്ഥലത്ത് ഉണ്ടായിരുന്നതും അസംസ്കൃത വസ്തുക്കള് സൂക്ഷിക്കുന്ന ഷെഡ്ഡില് വെടിക്കെട്ടു സാധനങ്ങള് കണക്കിലധികം സംഭരിച്ചിരുന്നതുമടക്കം കാരണങ്ങളാണ് സ്ഫോടനവുമായി ബന്ധപ്പെട്ടു കണ്ടെത്തിയിട്ടുള്ളതെന്ന് സര്ക്കാര് സത്യവാങ്മൂലത്തില് പറയുന്നു. സ്ഫോടകവസ്തു നിയമങ്ങളുടെ ലംഘനം നടന്നിട്ടുണ്ട്.
അപകടത്തില് മരിച്ച 16 പേരുടെയും ആശ്രിതര്ക്കു നഷ്ടപരിഹാരം നല്കി. പ്രത്യേക കൗണ്സലിംഗ് കാമ്പയിന് സംഘടിപ്പിച്ചു. ദുരന്തനിവാരണ നിയമപ്രകാരമുള്ള എല്ലാ നടപടികളും സമയബന്ധിതമായി പൂര്ത്തിയാക്കി. അഡീഷണല് ജില്ലാ മജിസ്ട്രേറ്റിന്റെ നേതൃത്വത്തില് മജിസ്റ്റീരിയല് അന്വേഷണവും നടക്കുന്നതായും സര്ക്കാര് കോടതിയെ അറിയിച്ചു. ചീഫ് ജസ്റ്റീസ് സൗമെന്സെന്, ജസ്റ്റീസ് വി.എം. ശ്യാംകുമാര് എന്നിവരടങ്ങുന്ന ഡിവിഷന് ബെഞ്ചാണു ഹര്ജി പരിഗണിക്കുന്നത്. ഹര്ജി സെപ്റ്റംബര് 16ന് പരിഗണിക്കാന് മാറ്റി.
Deepika
E-paper LOGIN
LOGIN