കൊച്ചി: ആഭ്യന്തരമന്ത്രി രമേശ് ചെന്നിത്തലയുടെ വിദേശയാത്രയെ വിമര്ശിച്ച് ഫേസ്ബുക്ക് പോസ്റ്റിട്ട സിപിഎം നേതാവ് കെ.എസ്. അരുണ് കുമാറിന്റെ അറസ്റ്റ് ഹൈക്കോടതി തടഞ്ഞു. ചോദ്യം ചെയ്യണമെങ്കില് മുന്കൂര് നോട്ടീസ് നല്കണമെന്നും കോടതി നിര്ദേശിച്ചു.
കുടുംബസമേതമുള്ള യാത്രയ്ക്കായി ഒരു വിമാന ടിക്കറ്റിന് എട്ടുലക്ഷം രൂപ വീതം സര്ക്കാര് ഖജനാവില് നിന്ന് നാല് കോടി രൂപയോളം ധൂര്ത്തടിച്ചു എന്ന രീതിയിലായിരുന്നു സമൂഹമാധ്യമങ്ങളിലെ പ്രചാരണം. സെപ്റ്റംബര് 16ന് തിരുവനന്തപുരം സിറ്റി സൈബര് പൊലിസ് ആണ് അരുണ് കുമാറിനെ ഒന്നാം പ്രതിയാക്കി കേസ് രജിസ്റ്റര് ചെയ്തത്.
എഫ്ഐആറും തുടര്നടപടികളും റദ്ദാക്കണമെന്ന് ആവശ്യപ്പെട്ടാണ് അരുണ് കുമാര് ഹൈക്കോടതിയെ സമീപിച്ചത്. അറസ്റ്റ് വേണ്ടെന്ന് കോടതി വ്യക്തമാക്കി. ചോദ്യം ചെയ്യണമെങ്കില് മുന്കൂര് നോട്ടീസ് നല്കണമെന്നും കോടതി നിര്ദേശിക്കുകയായിരുന്നു.
Deepika
E-paper LOGIN
LOGIN
