27

കൂ​ട​ര​ഞ്ഞി: പ​ശ്ചി​മ​ഘ​ട്ട​ത്തി​ന്‍റെ മ​ടി​ത്ത​ട്ടി​ൽ മ​ല​നി​ര​ക​ളാ​ൽ ചു​റ്റ​പ്പെ​ട്ടു​കി​ട​ക്കു​ന്ന ക​ക്കാ​ടം​പൊ​യി​ൽ ഇ​ന്ന് സ​ഞ്ചാ​രി​ക​ളു​ടെ ഇ​ഷ്ട​കേ​ന്ദ്ര​മാ​യി മാ​റു​ന്നു. കൂ​ട​ര​ഞ്ഞി​യി​ൽ​നി​ന്ന് എ​ട്ട് കി​ലോ​മീ​റ്റ​ർ അ​ക​ലെ​യു​ള്ള ക​ക്കാ​ടം​പൊ​യി​ൽ കോ​ഴി​ക്കോ​ട് – മ​ല​പ്പു​റം ജി​ല്ല​ക​ളു​ടെ അ​തി​ർ​ത്തി പ്ര​ദേ​ശ​ത്താ​ണ് സ്ഥി​തി ചെ​യ്യു​ന്ന​ത്.

കോ​ട​മ​ഞ്ഞ് പു​ത​ച്ച മ​ല​നി​ര​ക​ൾ, ത​ട്ടു​ത​ട്ടാ​യി പ​തി​ക്കു​ന്ന വെ​ള്ള​ച്ചാ​ട്ട​ങ്ങ​ൾ, നി​ബി​ഡ വ​ന​മേ​ഖ​ല, മ​ല​ഞ്ചെ​രി​വു​ക​ളി​ലൂ​ടെ​യു​ള്ള വ​ള​ഞ്ഞു​പു​ള​ഞ്ഞ പാ​ത​ക​ൾ, പ​ച്ച​പ്പാ​ർ​ന്ന കു​ന്നി​ൻ​പ്ര​ദേ​ശ​ങ്ങ​ൾ എ​ന്നി​വ​യാ​ണ് ക​ക്കാ​ടം​പൊ​യി​ലി​ന്‍റെ പ്ര​ധാ​ന പ്ര​കൃ​തി​ആ​ക​ർ​ഷ​ണ​ങ്ങ​ൾ.

വേ​ന​ൽ​ക്കാ​ല​ത്തു​പോ​ലും താ​ര​ത​മ്യേ​ന ത​ണു​ത്ത കാ​ലാ​വ​സ്ഥ അ​നു​ഭ​വ​പ്പെ​ടു​ന്ന​തി​നാ​ൽ കു​ടും​ബ​സ​ഞ്ചാ​ര​ത്തി​നും പ്ര​കൃ​തി​യാ​സ്വാ​ദ​ന​ത്തി​നും അ​നു​യോ​ജ്യ​മാ​യ ഇ​ട​മാ​യാ​ണ് പ്ര​ദേ​ശം ശ്ര​ദ്ധ നേ​ടു​ന്ന​ത്.

അ​ന​ക്ക​ല്ലു​മ്പാ​റ, കോ​ഴി​പ്പാ​റ വെ​ള്ള​ച്ചാ​ട്ട​ങ്ങ​ൾ, നാ​യാ​ടം​പൊ​യി​ൽ കു​രി​ശു​മ​ല ട്ര​ക്കി​ങ്, ഉ​ടു​മ്പു​പാ​റ, മേ​ട​പ്പാ​റ, പൂ​വാ​റ​ൻ​തോ​ട്, ആ​ന​ക്കാം​പൊ​യി​ൽ, പു​ല്ലൂ​രാം​പാ​റ തു​ട​ങ്ങി​യ സ​മീ​പ പ്ര​ദേ​ശ​ങ്ങ​ളി​ലെ പ്ര​കൃ​തി​കേ​ന്ദ്ര​ങ്ങ​ളും ക​ക്കാ​ടം​പൊ​യി​ലി​ന്‍റെ ടൂ​റി​സം സാ​ധ്യ​ത​ക​ൾ​ക്ക് പി​ന്തു​ണ ന​ൽ​കു​ന്നു​ണ്ട്.

ക​ക്കാ​ടം​പൊ​യി​ലി​നെ കേ​ന്ദ്രീ​ക​രി​ച്ച് ഈ ​പ്ര​ദേ​ശ​ങ്ങ​ളെ പ​ര​സ്പ​രം ബ​ന്ധി​പ്പി​ച്ചു​ള്ള ടൂ​റി​സം സ​ർ​ക്യൂ​ട്ടി​നും വ​ലി​യ സാ​ധ്യ​ത​യു​ണ്ട്. എ​ന്നാ​ൽ ടൂ​റി​സം സാ​ധ്യ​ത​ക​ൾ ഏ​റെ​യു​ണ്ടാ​യി​ട്ടും അ​ർ​ഹ​മാ​യ രീ​തി​യി​ൽ ടൂ​റി​സം ഭൂ​പ​ട​ത്തി​ൽ ഇ​ടം നേ​ടാ​ൻ ക​ക്കാ​ടം​പൊ​യി​ലി​ന് ക​ഴി​ഞ്ഞി​ട്ടി​ല്ലെ​ന്ന അ​ഭി​പ്രാ​യ​വും ശ​ക്ത​മാ​ണ്. പ്ര​ദേ​ശ​ത്തെ ടൂ​റി​സ്റ്റ് വി​ല്ലേ​ജാ​യി പ്ര​ഖ്യാ​പി​ച്ച് അ​ടി​സ്ഥാ​ന സൗ​ക​ര്യ​ങ്ങ​ൾ വി​ക​സി​പ്പി​ക്ക​ണ​മെ​ന്ന ആ​വ​ശ്യ​മാ​ണ് നാ​ട്ടു​കാ​ർ ഉ​ന്ന​യി​ക്കു​ന്ന​ത്.

പ്ര​കൃ​തി​യു​ടെ ത​നി​മ നി​ല​നി​ർ​ത്തി​ വേണം വി​ക​സ​നം വേ​ണം

ഒ​രു കാ​ല​ത്ത് പു​റം​ലോ​ക​വു​മാ​യി ബ​ന്ധ​പ്പെ​ടാ​ൻ പോ​ലും ഏ​റെ പ്ര​യാ​സ​പ്പെ​ട്ടി​രു​ന്ന പ്ര​ദേ​ശ​മാ​ണ് ക​ക്കാ​ടം​പൊ​യി​ൽ. യാ​ത്രാ​ദു​രി​ത​ങ്ങ​ളും വ​ന്യ​ജീ​വി ശ​ല്യ​വും ഉ​ൾ​പ്പെ​ടെ​യു​ള്ള നി​ര​വ​ധി പ്ര​തി​സ​ന്ധി​ക​ളെ അ​തി​ജീ​വി​ച്ചാ​ണ് ഇ​വി​ട​ത്തെ ജ​ന​ങ്ങ​ൾ മു​ന്നോ​ട്ടു​വ​ന്ന​ത്.
ഇ​ന്ന് കേ​ര​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന് സ​ഞ്ചാ​രി​ക​ൾ ക​ക്കാ​ടം​പൊ​യി​ലി​ലേ​ക്ക് എ​ത്തു​ന്ന സാ​ഹ​ച​ര്യ​മു​ണ്ടാ​യി. പ്ര​കൃ​തി​യു​ടെ ത​നി​മ നി​ല​നി​ർ​ത്തി​ക്കൊ​ണ്ടു​ള്ള ടൂ​റി​സം വി​ക​സ​ന​ത്തി​നാ​ണ് ഇ​നി പ്രാ​ധാ​ന്യം ന​ൽ​കേ​ണ്ട​ത്. ക​ക്കാ​ടം​പൊ​യി​ലി​നെ ടൂ​റി​സ്റ്റ് വി​ല്ലേ​ജാ​യി പ്ര​ഖ്യാ​പി​ക്ക​ണ​മെ​ന്ന ആ​വ​ശ്യം ഉ​ന്ന​ത അ​ധി​കാ​രി​ക​ളു​ടെ ശ്ര​ദ്ധ​യി​ൽ കൊ​ണ്ടു​വ​രു​ന്ന​തി​നും ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ന്ന​തി​നും ഇ​ട​പെ​ട​ലു​ണ്ടാ​കും.

ജോ​ർ​ജു​കു​ട്ടി ക​ക്കാ​ടം​പൊ​യി​ൽ
കൂ​ട​ര​ഞ്ഞി പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ്

പ്രാ​ദേ​ശി​കമായി പ്ര​യോ​ജ​നം ല​ഭി​ക്ക​ണം

ക​ക്കാ​ടം​പൊ​യി​ലി​ന്‍റെ ഇ​ന്ന​ത്തെ വ​ള​ർ​ച്ച​യ്ക്ക് പി​ന്നി​ൽ ഇ​വി​ട​ത്തെ ജ​ന​ങ്ങ​ളു​ടെ വ​ർ​ഷ​ങ്ങ​ളാ​യു​ള്ള അ​തി​ജീ​വ​ന​ത്തി​ന്‍റെ ച​രി​ത്ര​മു​ണ്ട്. ഒ​രു​കാ​ല​ത്ത് യാ​ത്രാ​ദു​രി​തം കാ​ര​ണം ആ​ളു​ക​ൾ നാ​ടു​വി​ട്ടു​പോ​കേ​ണ്ടി​വ​ന്ന സാ​ഹ​ച​ര്യ​ത്തി​ൽ​നി​ന്നാ​ണ് ഇ​ന്ന​ത്തെ ടൂ​റി​സം കേ​ന്ദ്ര​ത്തി​ലേ​ക്കു​ള്ള മാ​റ്റം. മ​ല​യോ​ര ഹൈ​വേ പൂ​ർ​ത്തി​യാ​യ​തോ​ടെ ക​ക്കാ​ടം​പൊ​യി​ലി​ന്‍റെ സാ​ധ്യ​ത​ക​ൾ കൂ​ടു​ത​ൽ തു​റ​ന്നു​കി​ട്ടി.

സ​ഞ്ചാ​രി​ക​ളു​ടെ വ​ര​വ് വ​ർ​ധി​ച്ച​തോ​ടെ പ്ര​ദേ​ശ​ത്തി​ന്‍റെ സാ​മ്പ​ത്തി​ക മേ​ഖ​ല​യി​ലും മാ​റ്റ​മു​ണ്ടാ​യി. പ്ര​കൃ​തി​സൗ​ന്ദ​ര്യം ന​ഷ്ട​പ്പെ​ടു​ത്താ​തെ ടൂ​റി​സ​ത്തെ ശാ​സ്ത്രീ​യ​മാ​യി വി​ക​സി​പ്പി​ക്കു​ക​യും അ​തി​ന്‍റെ പ്ര​യോ​ജ​നം പ്രാ​ദേ​ശി​ക ജ​ന​ങ്ങ​ൾ​ക്ക് ല​ഭി​ക്കു​ന്ന രീ​തി​യി​ൽ പ​ദ്ധ​തി​ക​ൾ ആ​വി​ഷ്ക​രി​ക്കു​ക​യും വേ​ണം. ടൂ​റി​സ്റ്റ് വി​ല്ലേ​ജ് പ​ദ​വി ല​ഭി​ക്കു​ന്ന​തി​ലൂ​ടെ ഈ ​മേ​ഖ​ല​യ്ക്ക് കൂ​ടു​ത​ൽ വി​ക​സ​ന​സാ​ധ്യ​ത​ക​ൾ തു​റ​ന്നു​കി​ട്ടും.

ആ​ദ​ർ​ശ് ജോ​സ​ഫ് (മു​ൻ പ​ഞ്ചാ​യ​ത്ത് പ്ര​സി​ഡ​ന്‍റ് )