കൊച്ചി: "ദ കേരള സ്റ്റോറി 2 ഗോസ് ബിയോണ്ഡ്’ സിനിമയ്ക്ക് 15 ദിവസത്തേക്കു പ്രദര്ശനാനുമതി തടഞ്ഞ ഹൈക്കോടതി സിംഗിള് ബെഞ്ചിന്റെ ഇടക്കാല ഉത്തരവിനെതിരേയുള്ള അപ്പീലില് ഇന്നലെ രാത്രിയിൽ പ്രത്യേക സിറ്റിംഗ് നടത്തി ഡിവിഷന് ബെഞ്ച്.
ജസ്റ്റീസുമാരായ അരവിന്ദ് ശുശ്രുത് ധര്മാധികാരി, വി.എം. ശ്യാംകുമാര് എന്നിവരുള്പ്പെട്ട ഡിവിഷന് ബെഞ്ചാണു ഹര്ജി പരിഗണിച്ചത്. ഇന്ന് റിലീസ് തീരുമാനിച്ചിരിക്കുന്നതിനാല് അടിയന്തരമായി നിര്മാതാക്കള് സിംഗിള് ബെഞ്ച് ഉത്തരവിനെതിരേ ഡിവിഷന് ബെഞ്ചിനെ സമീപിച്ചതിനാലാണു രാത്രി വൈകി സിറ്റിംഗ് നടത്തിയത്. എന്നാൽ, വിധി ചേംബറില് പറയാമെന്നു പറഞ്ഞ് കോടതി പിരിഞ്ഞു.
15 ദിവസത്തേക്കു പ്രദര്ശനാനുമതി തടയാനും സെന്സര് ബോര്ഡിനോട് വീണ്ടും സിനിമ കണ്ട് തീരുമാനമെടുക്കാനും ജസ്റ്റീസ് ബെച്ചു കുര്യന് തോമസ് നിര്ദേശിച്ചിരുന്നു.
എന്നാൽ സ്വകാര്യവ്യക്തികള് നല്കിയ ഹര്ജി നിലനില്ക്കില്ലെന്നും ഇത്തരമൊരു ഹര്ജി നല്കാന് അധികാരമില്ലെന്നും നിര്മാതാക്കള് ഡിവിഷൻ ബെഞ്ചിൽ നൽകിയ അപ്പീലിൽ ചൂണ്ടിക്കാട്ടി.
Deepika
E-paper LOGIN
LOGIN
