കോട്ടയം: മലയാളികളുടെ ഹൃദയത്തില് ഇടം തേടിയ ദിനപത്രമായ ദീപിക കേരള സമൂഹത്തിന്റെ കണ്ണാടിയാണെന്ന് ആഭ്യന്തരമന്ത്രി രമേശ് ചെന്നിത്തല.
ദീപിക ശതോത്തര റൂബി ജൂബിലി ആഘോഷങ്ങളുടെ ഭാഗമായി പുറത്തിറക്കുന്ന ഐക്കണ്സ് ഓഫ് സക്സസിന്റെ പ്രകാശനവും പാലാ ബ്രില്ല്യന്റ് സ്റ്റഡി സെന്ററുമായി ചേര്ന്ന് ദീപിക നടത്തുന്ന വിദ്യാഭ്യാസ സ്കോളര്ഷിപ്പ് പദ്ധതി-ലൈറ്റിംഗ് ദ ബ്രില്യന്റ്സിന്റെ ഉദ്ഘാടനവും ദീപിക എക്സലന്സ് അവാര്ഡ് ദാനവും നിര്വഹിച്ചു പ്രസംഗിക്കുകയായിരുന്നു അദ്ദേഹം.
കോട്ടയം കളക്ട്രേറ്റിനു സമീപമുള്ള ഫ്ളോറല് പാലസ് ഹോട്ടലില് നടന്ന ചടങ്ങില് കാഞ്ഞിരപ്പള്ളി ബിഷപ് മാര് ജോസ് പുളിക്കല് അധ്യക്ഷത വഹിച്ചു. സത്യം, നീതി, നന്മ എന്നിവയില് ഉറച്ചുനില്ക്കുന്ന ദീപിക ഏതു പ്രതിസന്ധിക്കും ഉത്തരം നല്കുന്ന ഒരു സത്യദൂതികയാണെന്ന് മാര് ജോസ് പുളിക്കല് പറഞ്ഞു.
തിരുവല്ല ക്രൈസ്റ്റ് സെന്ട്രല് സ്കൂള് പ്രിന്സിപ്പല് ഫാ. ഡോ. ജയിംസ് മുല്ലശേരി സിഎംഐക്ക് ആദ്യ കോപ്പി നല്കി ഐക്കണ്സ് ഓഫ് സക്സസ് മന്ത്രി രമേശ് ചെന്നിത്തല പ്രകാശനം ചെയ്തു. മുന്മന്ത്രി വി.എന്. വാസവന് ഐക്കണ്സ് ഓഫ് സക്സസ് അവലോകനം നടത്തി.
നാട്ടകം സുരേഷ് എംഎല് എ, റബര് ബോര്ഡ് ചെയര്മാന് എന്. ഹരി, കോട്ടയം മുനിസിപ്പല് ചെയര്മാന് എം.പി. സന്തോഷ്കുമാര്, സ്റ്റീഫന് ജോര്ജ് എക്സ് എംഎല്എ, രാഷ്ട്രദീപിക ലിമിറ്റഡ് ഡയറക്ടര് ജോണി കുരുവിള പടിക്കമ്യാലില്, ഓയില് പാം ഇന്ത്യ മുന് ചെയര്മാന് വി.ബി. ബിനു, പാലാ ബ്രില്ല്യന്റ് സ്റ്റഡി സെന്റര് ഡയറക്ടര് ജോര്ജ് തോമസ് എന്നിവര് പ്രസംഗിച്ചു.
രാഷ്ട്രദീപിക ലിമിറ്റഡ് മാനേജിംഗ് ഡയറക്ടര് ഫാ. മൈക്കിള് വെട്ടിക്കാട്ട് സ്വാഗതവും ദീപിക ചീഫ് എഡിറ്റര് ഫാ. ഡോ. ജോര്ജ് കുടിലില് നന്ദിയും പറഞ്ഞു.
E-paper LOGIN
LOGIN
