4

വെ​ള്ളി​യാ​മ​റ്റം: പൂ​മാ​ല- കോ​ശേ​രി​ക്ക​ട​വ് നി​വാ​സി​ക​ളു​ടെ ദു​രി​ത​യാ​ത്ര​യ്ക്ക് എ​ന്ന് പ​രി​ഹാ​ര​മാ​കു​മെ​ന്ന ചോ​ദ്യ​ത്തി​ന് ഉ​ത്ത​രം തേ​ടു​ക​യാ​ണ് ജ​ന​ങ്ങ​ൾ. വ​ട​ക്ക​നാ​റി​നു കു​റു​കെ കോ​ശേ​രി​ക്ക​ട​വി​ല്‍ പാ​ലം നി​ർ​മാ​ണം ആ​രം​ഭി​ച്ചി​ട്ട് നാ​ലു വ​ര്‍​ഷം ക​ഴി​ഞ്ഞു. ഇ​തു​വ​രെ പാ​ലം പണി പൂ​ര്‍​ത്തി​യാ​ക്കാ​നാ​യി​ട്ടി​ല്ല.

കോ​ശേ​രി​ക്ക​ട​വി​ല്‍ പാ​ലം വ​രു​ന്ന​തോ​ടെ നാ​ളി​യാ​നി, പൂ​ച്ച​പ്ര ഭാ​ഗ​ത്തു​ള്ള പു​ഴ​യു​ടെ ഇ​രു​ക​ര​ക​ളി​ലാ​യി താ​മ​സി​ക്കു​ന്ന​വ​ര്‍​ക്കും ഇ​വി​ടത്തെ ആ​ദി​വാ​സി വി​ഭാ​ഗ​ങ്ങ​ള്‍​ക്കും മ​റു​ക​ര​യെ​ത്താ​ൻ ഏ​റെ എ​ളു​പ്പ​മാ​കും. ഈ ​പ്ര​ദേ​ശ​ത്തു​ള്ള വി​ദ്യാ​ര്‍​ഥി​ക​ളും പ്രാ​യ​മാ​യ​വ​രും മ​ഴ​ക്കാ​ല​മാ​യാ​ൽ പു​ഴ ക​ട​ക്കു​ന്ന​ത് നാ​ട്ടു​കാ​ര്‍ കെ​ട്ടി​യു​ണ്ടാ​ക്കു​ന്ന ഇ​ല്ലി​പ്പാ​ല​ത്തി​ലൂടെ​യാ​ണ്. നാ​ട്ടു​കാ​രു​ടെ ദു​രി​ത​യാ​ത്ര തി​രി​ച്ച​റി​ഞ്ഞ് പ​ട്ടി​ക​വ​ര്‍​ഗ വ​കു​പ്പ് ഇ​ട​പെ​ട്ടാ​ണ് പാ​ലം നി​ർ​മി​ക്കാ​ൻ തു​ക അ​നു​വ​ദി​ച്ച​ത്. എ​ന്നാ​ല്‍ വ​ര്‍​ഷ​ങ്ങ​ള്‍ ക​ഴി​ഞ്ഞി​ട്ടും പാ​ലം നി​ർ​മാ​ണം എ​ങ്ങുമെത്തി​യി​ല്ല.

തു​ട​ക്ക​ത്തി​ല്‍ വ​നം വ​കു​പ്പാ​യി​രു​ന്നു ത​ട​സം. ഇ​തോ​ടെ പാ​ല​ത്തി​ന്‍റെ തൂ​ണു​ക​ള്‍​ക്ക് കു​ഴി​യെ​ടു​ത്തെ​ങ്കി​ലും നി​ർ​മാ​ണം തു​ട​ര്‍​ന്നു കൊ​ണ്ടു​പോ​കാ​നാ​കാതെവ​ന്ന​തോ​ടെ ട്രൈ​ബ​ല്‍ ഡി​പ്പാ​ര്‍​ട്ട്‌​മെ​ന്‍റ് വ​നം വ​കു​പ്പ് ആ​വ​ശ്യ​പ്പെ​ട്ട തു​ക പ​രി​വേ​ഷ് പോ​ര്‍​ട്ട​ല്‍ വ​ഴി അ​ട​ച്ചു. ഇ​തോ​ടെ നി​ർ​മാ​ണ​ത്തി​ന് അ​നു​മ​തി ല​ഭി​ച്ചു. ഇ​ക്കാ​ര​ണ​ത്താ​ൽ പാ​ലം നി​ർ​മാ​ണം ര​ണ്ടു​വ​ര്‍​ഷ​ത്തോ​ളം വൈ​കി. നി​ര്‍​മി​തി കേ​ന്ദ്ര​ത്തി​നാ​യി​രു​ന്നു നി​ർ​മാ​ണച്ചുമ​ത​ല. അ​ട​ങ്ക​ല്‍ത്തുക വ​ര്‍​ധി​പ്പി​ക്ക​ണ​മെ​ന്നാ​വ​ശ്യ​പ്പെ​ട്ടു​ള്ള ക​ത്തി​ൽ ഭ​ര​ണാ​നു​മ​തി കി​ട്ട​ാത്ത​താ​ണ് നി​ർ​മാ​ണം വൈ​കാ​ന്‍ കാ​ര​ണ​മെ​ന്നും ഇ​തി​നു​ള്ള അ​പേ​ക്ഷ പ​ട്ടി​ക​ജാ​തി പ​ട്ടി​ക​വ​ര്‍​ഗ വ​കു​പ്പി​ന് കൈ​മാ​റി​യി​ട്ട് മാ​സ​ങ്ങ​ളാ​യെ​ന്നും നി​ര്‍​മി​തി ഉ​ദ്യോ​ഗ​സ്ഥ​ര്‍ പ​റ​യു​ന്നു.

മ​ഴ​ക്കാ​ലം വ​രു​ന്ന​തോ​ടെ യാ​ത്ര​യ്ക്കാ​യി ഈ ​വ​ർ​ഷ​വും ഇ​ല്ലി​പ്പാ​ലം പ​ണി​യേ​ണ്ടി വ​രു​മോ​യെ​ന്ന ആ​ശ​ങ്ക​യി​ലാ​ണ് പ്ര​ദേ​ശ​വാ​സി​ക​ൾ.