തിരുവനന്തപുരം: കോട്ടൂർ ആന പുനരധിവാസ കേന്ദ്രത്തിന്റെ പ്രവർത്തനത്തിനായി കോട്ടൂർ എലിഫന്റ് റസ്ക്യു ആൻഡ് റിഹാബിലേഷൻ സെന്റർ സൊസൈറ്റി (കെഇആർ ആൻഡ് ആർസിഎസ്) എന്ന പേരിൽ സൊസൈറ്റി രൂപവത്കരിക്കാൻ മന്ത്രിസഭ അംഗീകാരം നൽകി.
2025ലെ കേരള സംഘങ്ങൾ രജിസ്ട്രേഷൻ ആക്ടിന്റെ കീഴിലാണ് ആന പരിപാലന സൊസൈറ്റി രൂപവത്കരിക്കുന്നത്.
സൊസൈറ്റി രൂപീകരണത്തിനുള്ള കരട് മെമ്മോറാണ്ടം ഓഫ് അസോസിയേഷനും റൂൾസ് ആൻഡ് റെഗുലേഷൻസും അംഗീകരിച്ചു. സൊസൈറ്റി രജിസ്റ്റർ ചെയ്യുന്നതിനായി എപിസിസിഎഫ് ചീഫ് വൈൽഡ് ലൈഫ് വാർഡനെ ചുമതലപ്പെടുത്തി.
മൃഗസംരക്ഷണ വകുപ്പിനു കീഴിലെ പൊതുമേഖലാ സ്ഥാപനമായ മീറ്റ് പ്രോഡക്ട്സ് ഓഫ് ഇന്ത്യയിൽ ഒരു ബോയിലർ ഓപ്പറേറ്റർ തസ്തിക സൃഷ്ടിക്കാനും തീരുമാനിച്ചു.