കോഴിക്കോട്: ഒരുമിച്ച് ആത്മഹത്യ ചെയ്യാന് വിളിച്ചുവരുത്തി യുവതിയെ കെട്ടിത്തൂക്കി കൊലപ്പെടുത്തിയ കേസില് യുവതി സൈക്കോളജിസ്റ്റിന് അയച്ച ശബ്ദസന്ദേശം പോലീസ് കണ്ടെടുത്തു.
തന്റെ ജീവന് അപായമുണ്ടെന്നും തനിക്കെന്തെങ്കിലും സംഭവിച്ചാല് ഉത്തരവാദി വൈശാഖനാണെന്നും ചൂണ്ടിക്കാട്ടിയാണ് യുവതി സൈക്കോളജിസ്റ്റിന് സന്ദേശമയച്ചത്. ഇതുള്പ്പെടെ നിരവധി സന്ദേശങ്ങള് പോലീസ് കണ്ടെടുത്തിട്ടുണ്ട്.
യുവതി കൊല്ലപ്പെട്ട ദിവസം രാവിലെ 9.30നാണ് സന്ദേശം അയച്ചത്. താന് ഒരിക്കലും ജീവനൊടുക്കില്ലെന്നും സന്ദേശത്തില് പറയുന്നു. ഓഫീസ് നമ്പറിലേക്കു വന്ന ഈ സന്ദേശം പിന്നീടാണ് ശ്രദ്ധയില്പ്പെട്ടതെന്നാണ് സൈക്കോളജിസ്റ്റിന്റെ മൊഴി.
16 വയസില് നേരിട്ട പീഡനമുള്പ്പെടെ വിവരിക്കുന്ന ഡയറിയുടെ ഭാഗവും യുവതി സൈക്കോളജിസ്റ്റിന് വാട്സാപ്പില് അയച്ചു കൊടുത്തിട്ടുണ്ട്. ഈ സന്ദേശങ്ങള് അയച്ചത് അറിയാതെയാണ് യുവതിയെ ഒരുമിച്ച് ജീവനൊടുക്കാമെന്ന് പറഞ്ഞ് വൈശാഖന് വിളിച്ചുവരുത്തി കൊലപ്പെടുത്തുന്നത്. പ്രതി വൈശാഖന് മൂന്നുദിവസം കൂടി പോലീസ് കസ്റ്റഡിയില് തുടരും.
Deepika
E-paper LOGIN
LOGIN
