ഇരിട്ടി: കർണാടകയിലെ കുടക് ജില്ലയിൽ സംരക്ഷിത വനമേഖലയിൽ അനധികൃതമായി പ്രവേശിച്ച് നായാട്ടിനു ശ്രമിച്ച മലയാളി ഉൾപ്പെടെ മൂന്നു പേർ കർണാടക വനംവകുപ്പിന്റെ പിടിയിൽ. സംഘത്തിലെ രണ്ടുപേർ തോക്കുകളുമായി ഉൾവനത്തിലേക്കു രക്ഷപ്പെട്ടു.
തൃശൂർ സ്വദേശികളായ തോമസ്, സുരേഷ്, വീരാജ്പേട്ട കൊണ്ടഗേരി സ്വദേശി മുഹമ്മദ് ഹനീഫ് എന്നിവരാണു പിടിയിലായത്. കൊണ്ടഗേരി സ്വദേശി എ.എം. നൗഷാദ്, കണ്ണൂർ സ്വദേശി അഷ്റഫ് എന്നിവരാണു തോക്കുകളുമായി വനത്തിനുള്ളിലേക്ക് രക്ഷപ്പെട്ടത്.
വിരാജ്പേട്ട് താലൂക്കിലെ മാൽദാരെയ്ക്കു സമീപം ദുബാരെ റിസർവ് വനത്തിലെ ദൊഡ്ഡഹഡ്ഡു വനമേഖലയിലാണു സംഭവം. വനത്തിൽ താമസിക്കുന്പോൾ ധരിക്കുന്ന പ്രത്യേക വസ്ത്രങ്ങൾ, പാചകസാമഗ്രികൾ, കത്തി, മെറ്റൽ ഡിറ്റക്ടർ, കഞ്ചാവെന്നു സംശയിക്കുന്ന ഇലകൾ, മൊബൈൽ ഫോണുകൾ, ജലാറ്റിൻ സ്റ്റിക്കുകൾ ഉൾപ്പെടെയുള്ള സ്ഫോടക വസ്തുക്കൾ എന്നിവ പിടിച്ചെടുത്തു.
Deepika
E-paper LOGIN
LOGIN
