തിരുവനന്തപുരം: കേരള സ്പോർട്സ് കൗണ്സിലിൽ കായികതാരങ്ങൾക്കായുള്ള സ്പോർട്സ് കിറ്റ് വാങ്ങുന്നതിനും അത് വിതരണം ചെയ്യുന്നതിലും ഗുരുതര വീഴ്ച വരുത്തിയ രണ്ടു സീനിയർ ക്ലർക്കുമാരെ സസ്പെൻഡ് ചെയ്തു.
സീനിയർ ക്ലർക്കുമാരായ നിതിൻ റോയി, ടി.എസ്. അരുണ് എന്നിവരെയാണ് അന്വേഷണവിധേയമായി സസ്പെൻഡ് ചെയ്തത്. പുതുച്ചേരിയിൽ നടന്ന ദക്ഷിണമേഖലാ ജൂണിയർ അത്ലറ്റിക് ചാന്പ്യൻഷിപ്പിൽ പങ്കെടുക്കേണ്ട കേരള താരങ്ങൾക്കു കൃത്യസമയത്ത് ജഴ്സിയും ട്രാക്ക് സ്യൂട്ടും വിതരണം ചെയ്യാത്തതാണു നടപടിക്കു കാരണമായത്.
മത്സരത്തിനിറങ്ങേണ്ട താരങ്ങൾക്കു മുൻകൂറായി സ്പോർട്സ് കിറ്റുകൾ ലഭ്യമാക്കണമെന്ന് കായികമന്ത്രി ഒ.ജെ. ജനീഷ് ഈ മാസം ഒന്നിനു നടന്ന യോഗത്തിൽ കർശന നിർദേശം നൽകിയിരുന്നെങ്കിലും ഉദ്യോഗസ്ഥർ ഇത് പാലിച്ചില്ല. മത്സരത്തലേന്നും കിറ്റുകൾ ലഭിക്കാത്തതിനെത്തുടർന്ന് അത്ലറ്റുകളും പരിശീലകരും നൽകിയ പരാതിയുടെ അടിസ്ഥാനത്തിലാണ് ഇരുവർക്കും എതിരായ നടപടി.
Deepika
E-paper LOGIN
LOGIN
