കൊച്ചി: രാജഗിരി ആശുപത്രിയിലെ സംഗീതസാന്ദ്രമായ വേദിയിൽ പുതിയ ചികിത്സാ സംവിധാനത്തിന്റെ ഉദ്ഘാടനം ഗായിക കെ.എസ്. ചിത്ര നിർവഹിച്ചു.
ഹൃദ്രോഗികൾക്കുള്ള ലേസർ ആൻജിയോപ്ലാസ്റ്റി കേന്ദ്രത്തിന്റെ ഉദ്ഘാടനം നിർവഹിക്കാനെത്തിയപ്പോഴാണ് ചിത്രയുടെ അനുഗൃഹീതനാദം വീണ്ടും വിസ്മയമൊരുക്കിയത്.
ജോൺസൺ ഈണം നൽകിയ പ്രശസ്തമായ ‘രാജഹംസമേ..., വിഖ്യാത ഭക്തിഗാനമായ ‘പൈതലാം യേശുവേ...’ എന്നിവ ചിത്ര ഹൃദ്യമായി ആലപിച്ചു. രാജഗിരി ആശുപത്രി എക്സിക്യൂട്ടീവ് ഡയറക്ടർ ഫാ. ജോൺസൺ വാഴപ്പിള്ളി അധ്യക്ഷത വഹിച്ചു.
ഹൃദ്രോഗ ചികിത്സയിൽ നിർണായക നാഴികക്കല്ലായി രാജഗിരി ആശുപത്രിയിലെ ലേസർ ആൻജിയോപ്ലാസ്റ്റി യൂണിറ്റിന്റെ പ്രവർത്തനം മാറുമെന്ന് അദ്ദേഹം പറഞ്ഞു.
ഹൃദയധമനികളിലെ സങ്കീർണമായ ബ്ലോക്കുകൾ ലേസർ രശ്മികൾ ഉപയോഗിച്ചു കൃത്യതയോടെ നീക്കം ചെയ്യാൻ സഹായിക്കുന്നതാണ് ലേസർ ആൻജിയോപ്ലാസ്റ്റി. ഹൃദയധമനികളിലെ കട്ടിക ൂടിയതും സങ്കീർണവുമായ ബ്ലോക്കുകൾ ലേസർ ആൻജിയോപ്ലാസ്റ്റിയിലൂടെ പരിഹരിക്കാനാകുമെന്ന് കാർഡിയോളജി വിഭാഗം മേധാവി ഡോ. വിനോദ് തോമസ് പറഞ്ഞു.
മെഡിക്കൽ സൂപ്രണ്ട് ഡോ. സണ്ണി പി. ഓരത്തേൽ, കാർഡിയോളജി വിഭാഗം സീനിയർ കൺസൾട്ടന്റുമാരായ ഡോ. സുരേഷ് ഡേവിസ്, ഡോ. ബ്ലെസൻ വർഗീസ് എന്നിവർ പ്രസംഗിച്ചു.
Deepika
E-paper LOGIN
LOGIN
