4

ബെ​യ്റൂ​ട്ട്: അ​മേ​രി​ക്ക​യും ഇ​റാ​നും ത​മ്മി​ൽ താ​ത്കാ​ലി​ക വെ​ടി​നി​ർ​ത്ത​ൽ പ്ര​ഖ്യാ​പി​ച്ച​തി​ന് തൊ​ട്ടു​പി​ന്നാ​ലെ ലെ​ബ​ന​നി​ൽ ഇ​സ്രയേ​ൽ ന​ട​ത്തി​യ വ​ൻ വ്യോ​മാ​ക്ര​മ​ണ​ത്തി​ൽ 254 പേ​ർ കൊ​ല്ല​പ്പെ​ട്ടു. ത​ല​സ്ഥാ​ന​മാ​യ ബെ​യ്റൂ​ട്ട് ഉ​ൾ​പ്പെ​ടെ​യു​ള്ള ന​ഗ​ര​ങ്ങ​ളി​ൽ ന​ട​ത്തി​യ ആ​ക്ര​മ​ണ​ത്തി​ൽ 1,165-ൽ ​അ​ധി​കം പേ​ർ​ക്ക് പ​രി​ക്കേ​റ്റു. ബു​ധ​നാ​ഴ്ച രാ​വി​ലെ പ​ത്ത് മി​നി​റ്റി​നു​ള്ളി​ൽ നൂ​റി​ല​ധി​കം കേ​ന്ദ്ര​ങ്ങ​ളി​ലാ​ണ് ഇ​സ്ര​യേ​ൽ ബോം​ബാ​ക്ര​മ​ണം ന​ട​ത്തി​യ​ത്. ബെ​യ്റൂ​ട്ടി​ൽ മാ​ത്രം 92 പേ​ർ കൊ​ല്ല​പ്പെ​ട്ട​താ​യാ​ണ് റി​പ്പോ​ർ​ട്ട്.

ഹി​സ്ബു​ള്ള​യു​ടെ ക​മാ​ൻ​ഡ് സെ​ന്‍റ​റു​ക​ളും ആ​യു​ധ​പ്പു​ര​ക​ളും ല​ക്ഷ്യ​മി​ട്ടാ​യി​രു​ന്നു ആ​ക്ര​മ​ണ​മെ​ന്ന് ഇ​സ്ര​യേ​ൽ അ​വ​കാ​ശ​പ്പെ​ട്ടു. പാ​കി​സ്ഥാ​ന്‍റെ മ​ധ്യ​സ്ഥ​ത​യി​ൽ ട്രം​പ് ഭ​ര​ണ​കൂ​ടം ഇ​റാ​നു​മാ​യി ഉ​ണ്ടാ​ക്കി​യ വെ​ടി​നി​ർ​ത്ത​ൽ ക​രാ​റി​ൽ ലെ​ബ​ന​ൻ ഉ​ൾ​പ്പെ​ട്ടി​ട്ടി​ല്ലെ​ന്ന് ഇ​സ്ര​യേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു ആ​വ​ർ​ത്തി​ച്ചു. എ​ന്നാ​ൽ, ലെ​ബ​ന​നി​ലെ ആ​ക്ര​മ​ണം അ​വ​സാ​നി​പ്പി​ക്കാ​തെ ക​രാ​റു​മാ​യി മു​ന്നോ​ട്ട് പോ​കി​ല്ലെ​ന്ന് ഇ​റാ​ൻ മു​ന്ന​റി​യി​പ്പ് ന​ൽ​കി.
‌
'ഓ​പ്പ​റേ​ഷ​ൻ എ​റ്റേ​ണ​ൽ ഡാ​ർ​ക്ക്ന​സ്' എ​ന്ന് ഇ​സ്ര​യേ​ൽ പേ​രി​ട്ട ഈ ​സൈ​നി​ക നീ​ക്കം, ഈ ​യു​ദ്ധം തു​ട​ങ്ങി​യ ശേ​ഷ​മു​ള്ള ഏ​റ്റ​വും വ​ലി​യ ഏ​കോ​പി​ത ആ​ക്ര​മ​ണ​ങ്ങ​ളി​ലൊ​ന്നാ​ണെ​ന്ന് വി​ല​യി​രു​ത്ത​പ്പെ​ടു​ന്നു. ലെ​ബ​ന​നി​ലെ ആ​ക്ര​മ​ണ​ത്തി​ൽ പ്ര​തി​ഷേ​ധി​ച്ച് ഇ​റാ​ൻ ഹോ​ർ​മു​സ് ക​ട​ലി​ടു​ക്ക് വീ​ണ്ടും അ​ട​ച്ചു. ലെ​ബ​ന​നി​ൽ ഇ​തു​വ​രെ പ​ത്തു ല​ക്ഷ​ത്തി​ല​ധി​കം ആ​ളു​ക​ൾ പ​ലാ​യ​നം ചെ​യ്ത​താ​യാ​ണ് ഐ​ക്യ​രാ​ഷ്ട്ര​സ​ഭ​യു​ടെ ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്.