തിരുവനന്തപുരം: എംബിബിഎസ് പഠനത്തിനിടെ അനുവദിച്ചിരുന്ന പരീക്ഷാ അവസരങ്ങള്‍ നഷ്ടപ്പെട്ടതിനെത്തുടര്‍ന്ന് തുടര്‍പഠനം പ്രതിസന്ധിയിലായ വിദ്യാര്‍ഥികള്‍ക്ക് ആശ്വാസമായി ദേശീയ മെഡിക്കല്‍ കമ്മിഷന്‍റെ പുതിയ തീരുമാനം.
2021, 2022, 2023 ബാച്ചുകളിലെ നിരവധി വിദ്യാര്‍ഥികളില്‍ നിന്ന് ലഭിച്ച പരാതികളുടെ അടിസ്ഥാനത്തില്‍ കെഎസ്‌യു മെഡിക്കല്‍ വിംഗ് വിഷയത്തില്‍ ഇടപെട്ടിരുന്നു. കെഎസ്‌യു സംസ്ഥാന ജനറല്‍ സെക്രട്ടറി ഡോ. സജന്‍ വി. എഡിസണും മെഡിക്കല്‍ വിംഗ് പ്രതിനിധി കൃഷ്ണപ്രസാദും വിദ്യാര്‍ഥികളുടെ ആശങ്കകള്‍ ഏറ്റെടുത്ത് വിഷയം ദേശീയതലത്തില്‍ അവതരിപ്പിച്ചു.
ഇതിന്‍റെ ഭാഗമായി ഡോ. ശശി തരൂർ എംപിയുടെ സഹായത്തോടെ എന്‍എംസി ചെയര്‍മാനും കേന്ദ്ര ആരോഗ്യ മന്ത്രാലയത്തിനും നിവേദനം കൈമാറി. അര്‍ഹരായ വിദ്യാര്‍ഥികള്‍ക്ക് ഒരവസരം കൂടി നല്‍കുന്നതിനും ആവശ്യമായ ഇടപെടല്‍ നടത്തണമെന്നും ആവശ്യപ്പെട്ടു. തുടര്‍ന്ന് കഴിഞ്ഞ 15ന് എന്‍എംസി അര്‍ഹരായ വിദ്യാര്‍ഥികള്‍ക്ക് അധിക അവസരം അനുവദിച്ച് ഉത്തരവിറക്കുകയായിരുന്നു.
Deepika
Corehub Solutions
E-paper LOGIN
LOGIN
