തൃശൂർ: തലസ്ഥാനത്തുണ്ടായ സംഘർഷത്തിന് നേതൃത്വംനൽകിയ മന്ത്രിക്കും എംപിക്കുമെതിരേ കേസെടുക്കണമെന്ന് സിപിഎം സംസ്ഥാന സെക്രട്ടേറിയറ്റംഗം എം.ബി. രാജേഷ് ആവശ്യപ്പെട്ടു.
ജനശ്രദ്ധ തിരിച്ചുവിടാൻ ആസൂത്രിതമായി നടത്തിയ ഗൂഢാലോചനയാണ് ആക്രമണങ്ങൾക്കു പിന്നിൽ. പവർകട്ട്, ആശുപത്രികളിലെ രൂക്ഷമായ മരുന്നുക്ഷാമം, മുഖ്യമന്ത്രിയുടെയും മന്ത്രിമാരുടെയും സ്പോൺസേഡ് യാത്രകൾ എന്നിവ സർക്കാരിന്‍റെ പ്രതിച്ഛായ തകർത്തിട്ടുണ്ട്.
അമിത് ഷായ്ക്കെതിരായ പ്രതിഷേധത്തിന്‍റെ വീഡിയോ സ്വന്തം മന്ത്രിസഭയിലെ ഒരു മന്ത്രിയെക്കൊണ്ട് മുഖ്യമന്ത്രി ഭീഷണിപ്പെടുത്തി പിൻവലിപ്പിച്ചതും സർക്കാരിനു മുഖംനഷ്ടപ്പെടുത്തിയിട്ടുണ്ട്. ഈ വീഴ്ചകളിൽനിന്നു ജനശ്രദ്ധ തിരിച്ചുവിടാൻ ആസൂത്രിതമായി ഗൂഢാലോചന നടത്തിയാണ് അക്രമം ഉണ്ടാക്കിയത്.
യൂത്ത് കോൺഗ്രസിന്‍റെ ഗുണ്ടാപ്പടയായി പൊലിസ് പ്രവർത്തിക്കണമെന്ന നിലപാട് ഗൗരവമായി ആലോചിക്കേണ്ടതാണെന്നും അദ്ദേഹം മാധ്യമങ്ങളോടു പറഞ്ഞു.
Deepika
E-paper LOGIN
LOGIN
