തിരുവനന്തപുരം: മുഖ്യ തെരഞ്ഞെടുപ്പ് കമ്മിഷണർ ഗ്യാനേഷ് കുമാറിനെതിരേ എംസി റോഡ് പുനർനിർമാണ ക്രമക്കേടുമായി ബന്ധപ്പെട്ട് ഉയർന്ന അഴിമതി ആരോപണവും ഉന്നത ഉദ്യോഗസ്ഥന്റെ ആത്മഹത്യയുമായി ബന്ധപ്പെട്ട പഴയ പരാതികൾ പരിശോധിച്ച് സർക്കാർ.
എംസി റോഡ് നവീകരണപ്രവർത്തനവുമായി ബന്ധപ്പെട്ട കെഎസ്ടിപി പദ്ധതി നടപ്പാക്കിയിരുന്ന പതിബെൽ കണ്സോർഷ്യം കന്പനിയുടെ ചീഫ് പ്രോജക്ട് മാനേജർ ലീ സീ ബീനിന്റെ ആത്മഹത്യയെത്തുടർന്നായിരുന്നു അന്നു പൊതുമരാമത്ത് സെക്രട്ടറിയായിരുന്ന ഗ്യാനേഷ് കുമാറിനെതിരേ വിജിലൻസിന്റെ പ്രാഥമികാന്വേഷണത്തിന് ഉത്തരവിട്ടിരുന്നത്.
ഇതിൽ തുടർനടപടികളോ അന്വേഷണമോ ഉണ്ടായില്ല. ഇതിന്റെ ഫയലുകൾ ആഭ്യന്തര വകുപ്പ് തേടിയിട്ടുണ്ട്. ചില ഉന്നത ഉദ്യോഗസ്ഥർ കൈക്കൂലി ആവശ്യപ്പെട്ട് തന്നെ സമ്മർദത്തിലാക്കിയതായി ലീ സഹപ്രവർത്തകരോടു പറഞ്ഞിരുന്നു. ആത്മഹത്യക്കുറിപ്പിലും ഇതു സംബന്ധിച്ച പരാമർശം ഉണ്ടായിരുന്നു.
പുനരന്വേഷണത്തിനു സർക്കാർ തീരുമാനിച്ചാൽ ഗ്യാനേഷ് കുമാറും ഉൾപ്പെടും. പദ്ധതിയിൽ പതിബെൽ കന്പനിയുടെ 17 കോടിയുടെ ബില്ലുകൾ സർക്കാർ തടഞ്ഞിരുന്നു. പണം കിട്ടാതായതോടെ ലീ മാനസിക സമ്മർദത്തിലായി. കന്പനിയോട് സർക്കാർ നഷ്ടപരിഹാരവും ആവശ്യപ്പെട്ടിരുന്നു.
Deepika
E-paper LOGIN
LOGIN
