ചെന്നൈ: രാജിവയ്ക്കണമെന്ന് പാർട്ടി ജനറൽ സെക്രട്ടറി വൈകോയുടെ നിർദേശം തള്ളി എംഡിഎംകെ എംഎൽഎമാർ. ഡിഎംകെ ചിഹ്നത്തിലാണ് ടി.എം. രാജേന്ദ്രൻ, ആർ. സെന്തിൽ സെൽവൻ എന്നിവർ മത്സരിച്ചു വിജയിച്ചത്.
ഡിഎംകെ അംഗങ്ങളായി തുടരുമെന്നും രാജിവയ്ക്കുന്നത് മണ്ഡലത്തിലെ ജനങ്ങളെ വഞ്ചിക്കുന്നതിനു തുല്യമാകുമെന്നും എംഎൽഎമാർ പറഞ്ഞു.
ഡിഎംകെ സഖ്യത്തിൽ മത്സരിച്ച എംഡിഎംകെ ടിവികെ സർക്കാരിനു പിന്തുണ പ്രഖ്യാപിച്ചിരുന്നു. തുടർന്നാണ് എംഎൽഎമാരോട് രാജിവയ്ക്കാൻ ആവശ്യപ്പെട്ടത്.
എന്നാൽ, ഉദയസൂര്യൻ ചിഹ്നത്തിൽ മത്സരിച്ച തങ്ങൾ ഔദ്യോഗികമായി ഡിഎംകെ അംഗങ്ങളാണെന്ന് രാജേന്ദ്രനും സെൽവനും പറഞ്ഞു. ഇന്നലെ ഇരുവരും എം.കെ. സ്റ്റാലിനെയും ഉദയനിധി സ്റ്റാലിനെയും സന്ദർശിച്ചു.
Deepika
E-paper LOGIN
LOGIN
