പത്തനംതിട്ട: ജസ്റ്റീസ് ജെ. ബി. കോശി കമ്മീഷൻ റിപ്പോർട്ട് അടിയന്തരമായി നടപ്പിലാക്കണമെന്ന് ദളിത് കാത്തലിക് മഹാജന സഭ ആവശ്യപ്പെട്ടു.
ഭരണഘടനാ നീതി നിഷേധിക്കപ്പെട്ട ദളിത് ക്രൈസ്തവർ പതിറ്റാണ്ടുകളായി സമരമുഖത്താണ്.
കേന്ദ്ര ഗവൺമെന്റും കേരളത്തിൽ മാറിമാറി വരുന്ന സർക്കാരുകളും ദളിത് ക്രൈസ്തവരുടെ സാമൂഹ്യ നീതിയുടെ കാര്യത്തിൽ നിശബ്ദത പാലിക്കുകയാണെന്നും സമിതി ചൂണ്ടിക്കാട്ടി.
സംസ്ഥാന പ്രസിഡന്റ് ഷിബു ജോസഫ് അധ്യക്ഷത വഹിച്ച യോഗം ഡയറക്ടർ ഫാ. ജോസുകുട്ടി ഇടത്തിനകം ഉദ്ഘാടനം ചെയ്തു. ബീനാ ജേക്കബ്, വിജയൻ പാറശാല, ജോയി മാത്യു, ജോയി ജോർജ്, സിജിമോൾ മെറ്റിസ്, ത്രേസ്യാമ്മ,ബാബു ജോസഫ്, ബേബി. എം. ജെ. തോമസ് രാജൻ, ജയിംസ് തുടങ്ങിവർ പ്രസംഗിച്ചു.