മുബൈ: വോട്ടർപട്ടികയിലെ ക്രമക്കേടുകളും പിഴവുകളും പരിഹരിക്കുന്നതിന് ഇലക്ടറൽ രജിസ്ട്രേഷൻ ഓഫിസർമാർക്ക്(ഇആർഒ) കൂടുതൽ വിവേചനാധികാരം നൽകുന്നതിനായി ഇസിഐ നെറ്റ് സോഫ്റ്റ്വേറിൽ ആവശ്യമായ മാറ്റങ്ങൾ വരുത്തണമെന്നു മഹാരാഷ്ട്രയിലെ ചീഫ് ഇലക്ടറൽ ഓഫിസർ എസ്. ചൊക്കലിംഗം കേന്ദ്ര തെരഞ്ഞെടുപ്പു കമ്മീഷനോട് അഭ്യർഥിച്ചു.
വോട്ടർമാരുടെ പേര്, രക്ഷിതാക്കളുടെ പേര്, വയസ് തുടങ്ങിയ വിവരങ്ങളിൽ വരുന്ന പൊരുത്തക്കേടുകൾ പരിഹരിക്കുന്നതിനാണ് ഇആർഒമാർക്ക് കൂടുതൽ അധികാരം നൽകണമെന്ന് ആവശ്യപ്പെട്ടത്.
ആവശ്യമായ രേഖകൾ സമർപ്പിച്ച് ഉദ്യോഗസ്ഥർക്ക് ബോധ്യപ്പെട്ടാൽ വോട്ടർമാർക്ക് നേരിട്ടുള്ള ഹിയറിംഗിൽനിന്ന് ഇളവുനൽകാനുള്ള അധികാരവും കത്തിൽ ആവശ്യപ്പെട്ടിട്ടുണ്ട്. നിലവിൽ കേന്ദ്രീകൃത സംവിധാനത്തിലൂടെയാണ് നോട്ടീസുകൾ അയയ്ക്കുന്നത്. ഇതിൽ ഇആർഒമാർക്ക് നേരിട്ട് തീരുമാനമെടുക്കാൻ അനുമതി വേണമെന്നാണു സംസ്ഥാനത്തിന്റെ ആവശ്യം.
Deepika
E-paper LOGIN
LOGIN
