ചാലകുടി: ദേശീയപാതയിൽ പുഴ പാലത്തിനു സമീപം രാത്രികാല ടാറിംഗ് നടത്തുന്നത് മൂലം വൻ ഗതാഗതക്കുരുക്ക്.
കഴിഞ്ഞ ദിവസം രാത്രിയിൽ എറണാകുളം ദിശയിൽ ടാറിംഗ് നടത്തിയപ്പോൾ ഒരു വരിയായിട്ടാണ് ഗതാഗതം നടത്തിയിരുന്നത്. ടാറിംഗിനുളള സാധന സാമഗ്രികളും വാഹനങ്ങളും ഗതാഗത തടസം സൃഷ്ടിച്ചു.
മുൻകൂട്ടി അറിയിക്കാതെ നടത്തിയ ടാറിംഗ് മൂലം വാഹനങ്ങൾ വഴി മാറി പോകാനും കഴിഞ്ഞില്ല .വാഹനങ്ങളുടെ നിര കിലോമീറ്ററുകൾ നീണ്ടു.
നേരം പുലരുന്നതു വരെ നീണ്ട രാത്രിയിലെ ടാറിംഗ് മൂലം രാവിലെ ഒമ്പതിനാണ് ഗതാഗത സ്തംഭനം തീർന്നത്.