കരുവാരകുണ്ട്: കരുവാരകുണ്ട്, തുവൂർ പഞ്ചായത്തുകളിലെ ജനങ്ങൾക്കും കെഎസ്ആർടിസി ഓർഡിനറി ബസുകളിലെ സൗജന്യ യാത്രാസൗകര്യം ലഭ്യമാക്കുമെന്ന് ഗതാഗത വകുപ്പ് മന്ത്രി ഉറപ്പ് നൽകി.
കരുവാരകുണ്ട് മണ്ഡലം കോണ്ഗ്രസ് കമ്മിറ്റിയുടെ നേതൃത്വത്തിൽ ഗതാഗത വകുപ്പ് മന്ത്രി സി.പി. ജോണിന് നൽകിയ നിവേദനത്തെത്തുടർന്നാണ് മേഖലയിൽ കൂടുതൽ ഓർഡിനറി ബസുകൾ അനുവദിക്കുമെന്ന അനുകൂല തീരുമാനം.
കരുവാരകുണ്ട് മണ്ഡലം കോണ്ഗ്രസ് കമ്മിറ്റി പ്രസിഡന്റ് വി. ആബിദലിയുടെ നേതൃത്വത്തിലാണ് മന്ത്രിക്ക് നിവേദനം സമർപ്പിച്ചത്.
കരുവാരകുണ്ട് മേഖലയിലെ യാത്രാക്ലേശം പരിഹരിക്കുന്നതിനായി റവന്യു മന്ത്രി എ.പി. അനിൽകുമാറിന്റെ നിർദേശപ്രകാരമാണ് നിവേദക സംഘം മന്ത്രിയെ കണ്ടത്.യുഡിഎഫ് സർക്കാർ നടപ്പാക്കിയ "പ്രിയദർശിനി’ പദ്ധതി മലയോര മേഖലയിലേക്കും വ്യാപിപ്പിക്കണമെന്നത് പ്രദേശവാസികളുടെ ആവശ്യമാണ്.