9

കോ​ട്ട​യം: ചെ​ക്ക് കേ​സി​ൽ മാ​ണി സി. ​കാ​പ്പ​ൻ എം​എ​ൽ​എ​യ്ക്ക് ആ​ശ്വാ​സം. ബോ​റി​വ​ലി മ​ജി​സ്‌​ട്രേ​റ്റ് കോ​ട​തി കാ​പ്പ​നെ​തി​രെ പു​റ​പ്പെ​ടു​വി​ച്ച ജാ​മ്യ​മി​ല്ലാ വാ​റ​ന്‍റ് പി​ൻ​വ​ലി​ച്ചു. കേ​സി​ൽ വി​ധി പ്ര​സ്താ​വി​ക്കു​ന്ന സ​മ​യ​ത്ത് കോ​ട​തി​യി​ൽ ഹാ​ജ​രാ​കാ​തി​രു​ന്ന​തി​നെ തു​ട​ർ​ന്നാ​യി​രു​ന്നു വാ​റ​ന്‍റ് പു​റ​പ്പെ​ടു​വി​ച്ച​ത്.

തി​ങ്ക​ളാ​ഴ്ച മാ​ണി സി. ​കാ​പ്പ​ൻ നേ​രി​ട്ട് കോ​ട​തി​യി​ൽ ഹാ​ജ​രാ​യി അ​പേ​ക്ഷ ന​ൽ​കി​യ​തി​നെ തു​ട​ർ​ന്നാ​ണ് ജാ​മ്യ​മി​ല്ലാ വാ​റ​ന്‍റ് കോ​ട​തി പി​ൻ​വ​ലി​ച്ച​ത്. അ​തേ​സ​മ​യം ത​നി​ക്കെ​തി​രാ​യ ശി​ക്ഷാ വി​ധി​ക്കെ​തി​രെ മേ​ൽ​ക്കോ​ട​തി​യി​ൽ അ​പ്പീ​ൽ ന​ൽ​കു​മെ​ന്ന് കാ​പ്പ​ൻ വ്യ​ക്ത​മാ​ക്കി.

ബോ​റി​വ​ലി മ​ജി​സ്‌​ട്രേ​റ്റ് കോ​ട​തി​യു​ടെ വി​ധി​ക്കെ​തി​രെ അ​പ്പീ​ൽ ന​ൽ​കാ​ൻ 30 ദി​വ​സ​ത്തെ സാ​വ​കാ​ശം ല​ഭി​ച്ചി​ട്ടു​ണ്ടെ​ന്നും അ​ന്തി​മ വി​ധി വ​ന്നി​ട്ടി​ല്ലെ​ന്നും അ​ദ്ദേ​ഹം പ​റ​ഞ്ഞു. നാ​ല് ചെ​ക്ക് കേ​സു​ക​ളി​ലാ​യി മൂ​ന്ന​ര വ​ർ​ഷം ത​ട​വും 5.30 കോ​ടി രൂ​പ പി​ഴ​യു​മാ​ണ് കോ​ട​തി വി​ധി​ച്ച​ത്.

കൊച്ചി: ചെക്ക് കേസിൽ പാലാ എംഎൽഎ മാണി സി. കാപ്പന് ശിക്ഷ ലഭിച്ചതിൽ പ്രതികരിച്ച് കേരള കോൺഗ്രസ്-എം ചെയർമാൻ ജോസ് കെ. മാണി. പാലാ നിയോജകമണ്ഡലത്തിന് തന്നെ അപമാനകരമായ സംഭവമാണ് ഇതെന്നാണ് ജോസ് പറഞ്ഞു.

കോടതി ശിക്ഷക്ക് വിധിച്ച മാണി സി. കാപ്പൻ, എംഎൽഎ സ്ഥാനം രാജിവയ്ക്കണോ എന്ന കാര്യത്തിൽ അദ്ദേഹം തന്നെ തീരുമാനമെടുക്കട്ടെയെന്നും ജോസ് പറഞ്ഞു.

സംഭവത്തിൽ യുഡിഎഫ് വ്യക്തമായ നിലപാട് സ്വീകരിക്കേണ്ടതുണ്ട്. വെറുമൊരു കോടതി പരാമർശത്തിന്‍റെ പേരിൽ മുമ്പ് കെ.എം. മാണി രാജിവച്ചതാണെന്നും ജോസ് കൂട്ടിച്ചേർത്തു.

കൊച്ചി: മാണി സി. കാപ്പന് എതിരായ കോടതി വിധിയുടെ പശ്ചാത്തലത്തിൽ മുഖ്യമന്ത്രി മറുപടി പറയണമെന്നും ധാർമിക ഉത്തരവാദിത്തമേറ്റെടുത്ത് അദ്ദേഹം എംഎൽഎ സ്ഥാനം രാജിവയ്ക്കണമെന്നും ബിജെപി സംസ്ഥാന ഉപാധ്യക്ഷൻ ഷോൺ ജോർജ്.

നിയമപരമായി രാജി ആവശ്യപ്പെടുന്നില്ലെങ്കിലും മുൻകാലങ്ങളിൽ സമാന സാഹചര്യങ്ങളിൽ കുറ്റക്കാരായി കണ്ടെത്തിയപ്പോൾ എതിരാളികൾ രാജി ആവശ്യപ്പെട്ട ചരിത്രമുണ്ടെന്ന് അദ്ദേഹം ഓർമിപ്പിച്ചു.

ധാർമികമായി ഇനി എന്ത് ചെയ്യണമെന്ന് മാണി സി. കാപ്പൻ തന്നെയാണ് തീരുമാനിക്കേണ്ടതെന്നും മാധ്യമങ്ങളോട് സംസാരിക്കവെ ഷോൺ ജോർജ് വ്യക്തമാക്കി.

അർജന്‍റീന ഫുട്ബോൾ ടീമിനെ കേരളത്തിലെത്തിക്കുന്നതുമായി ബന്ധപ്പെട്ട് സംസ്ഥാനത്ത് വലിയ തോതിലുള്ള ജിഎസ്ടി തട്ടിപ്പും നികുതി വെട്ടിപ്പുമാണ് നടന്നിട്ടുള്ളതെന്നും ഷോൺ ജോർജ് ആരോപിച്ചു.