മൂവാറ്റുപുഴ: ജീവിതത്തില് പ്രതിസന്ധി ഉണ്ടാകുമ്പോള് ഒളിച്ചോടാതെ ധൈര്യപൂര്വം അതിനെ അഭിമുഖീകരിക്കുകയാണ് വേണ്ടതെന്ന് മാര് ജോര്ജ് പുന്നക്കോട്ടില്. കോതമംഗലം രൂപത പിതൃവേദിയുടെ ആഭിമുഖ്യത്തില് നെസ്റ്റ് പാസ്റ്റല് സെന്ററില് സംഘടിപ്പിച്ച പിതൃദിനാഘോഷം ഉദ്ഘാടനം ചെയ്യുകയായിരുന്നു അദ്ദേഹം. ജീവിതമാകുന്ന തോണിയിലേക്കു തിരമാലകള് ആഞ്ഞടിക്കുമ്പോള് ലക്ഷ്യബോധത്തോടെ മുന്നേറാന് കഴിയണം.
ആദരവിന്റെയും എളിമയുടെയും ജീവിതശൈലിയാണ് പിതാക്കന്മാര്ക്ക് ഉണ്ടാകേണ്ടതെന്നും അദ്ദേഹം പറഞ്ഞു. പിതൃവേദി രൂപത പ്രസിഡന്റ് പ്രഫ. ജോസ് ഏബ്രഹാം അധ്യക്ഷത വഹിച്ചു. രൂപത ഡയറക്ടര് ഫാ. ഡോ. ആന്റണി പുത്തന്കുളം, ജിജി പുളിക്കല്, ബിജു ജോയി, ദേബാര് ജോസഫ് എന്നിവര് പ്രസംഗിച്ചു. വാഴക്കുളം, കാവക്കാട്, തൊടുപുഴ വിജ്ഞാന മാതാ, കരിമണ്ണൂര് എന്നീ യൂണിറ്റുകളിലെ പിതൃവേദിയുടെ വേറിട്ട പ്രവര്ത്തനങ്ങള് ചടങ്ങില് അവതരിപ്പിച്ചു.