ന്യൂഡൽഹി: ഇൻസ്റ്റഗ്രാമിൽ കുട്ടികൾക്കെതിരായ ലൈംഗിക ചൂഷണ ഉള്ളടക്കം പരസ്യങ്ങളിലൂടെ പ്രചരിപ്പിച്ചതിനെതിരേയുള്ള സർക്കാർ നടപടി മാതൃകന്പനിയായ മെറ്റയുടെ പ്രതികരണം അറിഞ്ഞതിനുശേഷം മാത്രമെന്ന് കേന്ദ്ര ഐടി സെക്രട്ടറി എസ്.കൃഷ്ണൻ.
കുട്ടികളെ ലൈംഗികമായി ചൂഷണം ചെയ്യുന്ന ഉള്ളടക്കങ്ങൾ പ്രോത്സാഹിപ്പിക്കുന്ന പണമടച്ചുള്ള പരസ്യങ്ങൾ ഇന്ത്യയിൽ ഇൻസ്റ്റഗ്രാം പ്രദർശിപ്പിക്കുന്നുണ്ടെന്ന ബിബിസിയുടെ അന്വേഷണാത്മക റിപ്പോർട്ട് ദിവസങ്ങൾക്കുമുമ്പ് പുറത്തുവന്നതിനു പിന്നാലെയാണ് കേന്ദ്രം മെറ്റയ്ക്ക് നോട്ടീസ് അയച്ചത്.
കുട്ടികളുടെ ലൈംഗിക ചൂഷണ ഉള്ളടക്കവുമായി ബന്ധപ്പെട്ട എല്ലാ പരസ്യങ്ങളും നീക്കം ചെയ്യുവാനും ഐടി മന്ത്രാലയം ഇൻസ്റ്റഗ്രാമിനോട് ആവശ്യപ്പെട്ടിരുന്നു.
നോട്ടീസിനു പിന്നാലെ കഴിഞ്ഞ ആറു മാസത്തിനിടെ മാത്രം കുട്ടികളുടെ ലൈംഗിക ചൂഷണ ഉള്ളടക്കങ്ങൾ പരസ്യം ചെയ്യുന്ന 1,60,000 ഉള്ളടക്കങ്ങൾ ഇന്ത്യയിൽ നീക്കം ചെയ്തിരുന്നുവെന്ന് മെറ്റ കഴിഞ്ഞദിവസം ബ്ലോഗ് പോസ്റ്റിലൂടെ അറിയിച്ചു.
E-paper LOGIN
LOGIN
