മയാമി: യുക്രെയ്ൻ സേന റഷ്യൻ പ്രസിഡന്റ് വ്ലാദിമിർ പുടിന്റെ വസതി ആക്രമിച്ചിട്ടില്ലെന്ന് അമേരിക്കൻ പ്രസിഡന്റ് ട്രംപ്. പുടിന്റെ വസതിക്കു സീപം എന്തോ ചിലത് സംഭവിച്ചു. പക്ഷേ, പുടിന്റെ വസതിയെ ലക്ഷ്യമിട്ട് ആക്രമണം നടന്നിട്ടില്ലെന്നാണ് അമേരിക്കൻ ഉദ്യോഗസ്ഥർ കണ്ടെത്തിയതെന്ന് ട്രംപ് പറഞ്ഞു.
പുടിന്റെ നൊവ്ഗോരോദിലുള്ള വസതിയെ ലക്ഷ്യമിട്ട് യുക്രെയ്ൻ സേന ഡ്രോൺ ആക്രമണം നടത്തിയെന്നും ഡ്രോണുകളെ വെടിവച്ചിട്ട് ആക്രമണം പരാജയപ്പെടുത്തിയെന്നും റഷ്യൻ വിദേശകാര്യമന്ത്രി സെർജി ലാവ്റോവ് കഴിഞ്ഞയാഴ്ച ആരോപിച്ചിരുന്നു.
യുദ്ധം അവസാനിപ്പിക്കുന്നതു സംബന്ധിച്ച് യുക്രെയ്ൻ പ്രസിഡന്റ് സെലൻസ്കി അമേരിക്കയിലെത്തി ട്രംപുമായി ചർച്ച നടത്തിയതിനു പിന്നാലെയായിരുന്നു ലാവ്റോവിന്റെ ആരോപണം.
സമാധാനശ്രമങ്ങൾ അട്ടിമറിക്കാനായി റഷ്യ വ്യാജ ആരോപണങ്ങൾ ഉന്നയിക്കുകയാണെന്ന് സെലൻസ്കിയും യൂറോപ്യൻ നേതാക്കളും പ്രതികരിച്ചിരുന്നു.
Deepika
E-paper LOGIN
LOGIN
