കൂത്താട്ടുകുളം: ടൗണിലെ ഗതാഗതക്കുരുക്ക് ഒഴിവാക്കാന് എംസി റോഡിന് സമാന്തരമായുള്ള നിര്ദിഷ്ട ബൈപാസ് പദ്ധതി മൂന്നുഘട്ടമായി നടപ്പാക്കുമെന്നു മന്ത്രി അനൂപ് ജേക്കബ് അറിയിച്ചു. ആദ്യഘട്ടമായി ചോരക്കുഴി- കാഞ്ഞിരമല റോഡ്, കൂത്താട്ടുകുളം യുപി സ്കൂള് റോഡ്, ശ്രീധരീയം ഓണംകുന്നുകാവ് ക്ഷേത്ര റോഡ്, മാര്ക്കറ്റ് റോഡ് എന്നിവ ഉള്പ്പെടുത്തി കേന്ദ്ര റോഡ് ഫണ്ടില് നിന്നും തുക ലഭ്യമാക്കാനുള്ള അഭ്യര്ഥന നല്കിയിട്ടുണ്ട്.
രണ്ടാംഘട്ടത്തില് കൂത്താട്ടുകുളം -കിഴക്കൊമ്പ്, പൈറ്റക്കുളം- കുങ്കുമശേരി ഭാഗങ്ങളും നവീകരിച്ച് ബൈപാസ് ശൃംഖല ഒരുക്കാനുള്ള എസ്റ്റിമേറ്റ് തയാറാക്കിയിട്ടുണ്ട്. മൂന്നാംഘട്ടത്തില് പാലാ ഭാഗത്തുനിന്നു വരുന്ന വാഹനങ്ങള്ക്കായി മംഗലത്തുതാഴം- കൂത്താട്ടുകുളം മഹാദേവക്ഷേത്രം റോഡും ബൈപാസില് ഉള്പ്പെടുത്തും.
ചോരക്കുഴി- കാഞ്ഞിരമല റോഡിലെ തെക്കേക്കുറ്റി പാലം പുനര്നിര്മിക്കേണ്ടതുണ്ട്. ഇതിനായി മൂന്നു കോടി കൂടി ചെലവു പ്രതീക്ഷിക്കുന്നു. പാലം നിര്മാണത്തിനുള്ള എസ്റ്റിമേറ്റ് തയാറാക്കുന്നതിന്റെ ഭാഗമായി സാങ്കേതിക പരിശോധനയും ഇന്വെസ്റ്റിഗേഷന് നടപടികളും നടക്കുകയാണ്.
റോഡ് നിര്മാണത്തിന് 15.68 കോടിയുടെ എസ്റ്റിമേറ്റ് തയാറാക്കിയിട്ടുണ്ട്. പദ്ധതി യാഥാര്ഥ്യമാകുന്നതോടെ നഗരത്തിലൂടെ കടന്നുപോകുന്ന ദീര്ഘദൂര വാഹനങ്ങള് ഉള്പ്പടെയുള്ള ഗതാഗതം വഴിതിരിച്ചുവിടാനും ടൗണിലെ തിരക്കുകുറയ്ക്കാനും സാധിക്കുമെന്നാണു പ്രതീക്ഷ. ബൈപാസ് പദ്ധതിയുടെ ഭാഗമായി ചോരക്കുഴി പാലം ജംഗ്ഷന് മുതല് ഓണംകുന്നുകാവ് ഭാഗം വരെ റോഡിന്റെ വീതി നിര്ണയിക്കാനുള്ള സര്വേ നടപടികള് കഴിഞ്ഞ സെപ്റ്റംബറില് നടത്തിയിരുന്നു.
എട്ടുമീറ്റര് വീതിയില് റോഡ് വികസിപ്പിച്ച് ആധുനിക രീതിയില് ടാറിംഗ് നടത്താനാണ് ആലോചന. തെക്കേക്കുറ്റി പാലത്തിന്റെ പുനർനിര്മാണവും ഭൂമിയുടെ ലഭ്യതയും പദ്ധതിയിലെ പ്രധാന ഘടകങ്ങളാണ്.