തിരുവനന്തപുരം: വിഴിഞ്ഞം തീരത്ത് നിന്ന് മത്സ്യബന്ധനത്തിന് പോയി കാണാതായ മൂന്ന് തൊഴിലാളികളെയും കണ്ടെത്തി. വെട്ടുകാട് സ്വദേശികളായ സനു (37), റോബിൻസൺ (55), വലിയവെളി സ്വദേശി ബാബു (40) എന്നിവരെയാണ് മണിക്കൂറുകൾ നീണ്ട തിരച്ചിലിനൊടുവിൽ സുരക്ഷിതരായി
കണ്ടെത്തിയത്.
ഞായറാഴ്ച വൈകിട്ട് മൂന്നോടെ കടലിൽ പോയ ഇവർ 29-ന് പുലർച്ചെ തിരിച്ചെത്തുമെന്നായിരുന്നു പ്രതീക്ഷിച്ചിരുന്നത്. എന്നാൽ പറഞ്ഞ സമയത്തിനുള്ളിൽ തിരിച്ചെത്താത്തതിനെ തുടർന്ന് ബന്ധുക്കൾ വിവരം കോസ്റ്റൽ പോലീസിനെ അറിയിക്കുകയായിരുന്നു.
തുടർന്ന് മറൈൻ എൻഫോഴ്സ്മെന്റ് വിഭാഗവും കോസ്റ്റ് ഗാർഡും സംയുക്തമായി നടത്തിയ തിരച്ചിലിലാണ് മൂവരെയും സുരക്ഷിതമായി കണ്ടെത്താനായത്.