കൊച്ചി: ടൊയോട്ട കിർലോസ്കർ മോട്ടോർ (ടികെഎം) നവംബറിൽ മൊത്തം 33,752 വാഹനങ്ങൾ വിറ്റഴിച്ചു. ഇതിൽ 30,085 യൂണിറ്റ് ഇന്ത്യൻ വിപണിയിലും 3,667 യൂണിറ്റ് കയറ്റുമതിയുമാണ്.
2024 നവംബറിൽ കമ്പനി 26,323 യൂണിറ്റുകളാണു വിറ്റഴിച്ചത്. 28 ശതമാനമാണ് വാർഷിക വളർച്ച. ജിഎസ്ടി പരിഷ്കാരങ്ങൾ ഉത്സവകാല വില്പനയിൽ നേട്ടമായെന്ന് കമ്പനി വൈസ് പ്രസിഡന്റ് വരിന്ദർ വധ്വാ പറഞ്ഞു.
കമ്പനി അടുത്തിടെ അവതരിപ്പിച്ച അർബൻ ക്രൂസർ ഹൈറൈഡർ ഏറോ എഡിഷനും ഫോർച്യൂണർ ലീഡർ എഡിഷനും രാജ്യത്തെമ്പാടും മികച്ച സ്വീകാര്യത ലഭിച്ചതായും അദ്ദേഹം പറഞ്ഞു.