കൊച്ചി: ഇന്ത്യന്‍ സൂപ്പര്‍ ലീഗ് (ഐഎസ്എല്‍) ഫുട്‌ബോള്‍ 2026-27 സീസണില്‍ കേരള ബ്ലാസ്റ്റേഴ്സ് എഫ്‌സിയുടെ ആദ്യ ഹോം മത്സരം ഇന്നു കലൂര്‍ ജവഹര്‍ലാല്‍ നെഹ്‌റു സ്റ്റേഡിയത്തില്‍. ഇന്ത്യന്‍ സമയം രാത്രി 7.30നു മുംബൈ സിറ്റി എഫ്‌സിക്കെതിരേയാണ് കേരള ബ്ലാസ്റ്റേഴ്സ് എഫ്‌സിയുടെ പോരാട്ടം.
ആദ്യരണ്ടു മത്സരങ്ങളില്‍ ഒരു ജയം, ഒരു തോല്‍വി എന്നിങ്ങനെയാണ് കൊച്ചി ക്ലബ്ബിന്‍റെ പ്രകടനം. ഇന്‍റര്‍ കാശിയെ മറുപടിയില്ലാത്ത രണ്ടു ഗോളിനു കീഴടക്കിയാണ് ബ്ലാസ്റ്റേഴ്സ് സീസണ്‍ ആരംഭിച്ചത്.
എന്നാല്‍, കഴിഞ്ഞ ഞായറാഴ്ച നോര്‍ത്ത് ഈസ്റ്റ് യുണൈറ്റഡ് എഫ്‌സിക്കെതിരേ നടന്ന എവേ പോരാട്ടത്തില്‍ 4-1ന്‍റെ തോല്‍വി വഴങ്ങി. മൊമൊ യാന്‍സനെ, ആന്ദ്രെ ഗ്രീന്‍, അഡ്രിയാന്‍ ലൂണ എന്നിവര്‍ നയിക്കുന്ന ആക്രമണ ത്രയത്തിനു നോര്‍ത്ത് ഈസ്റ്റ് യുണൈറ്റഡിനെതിരേ ശോഭിക്കാനായില്ല.
മുംബൈ സിറ്റി എഫ്‌സിക്ക് ഈ സീസണില്‍ ഇതുവരെ ജയം നേടാന്‍ സാധിച്ചിട്ടില്ല. രണ്ടു മത്സരങ്ങള്‍ പൂര്‍ത്തിയാക്കിയ മുംബൈ സിറ്റി എഫ്‌സിക്ക് ഒരു സമനിലയും ഒരു തോല്‍വിയുമാണ്.
അല്‍ ഫുര്‍സാന്‍ സ്‌പോര്‍ട്‌സ് ഇന്‍വെസ്റ്റ്‌മെന്‍റ് ബ്ലാസ്റ്റേഴ്സ് ക്ലബ്ബിനെ ഏറ്റെടുത്തശേഷമുള്ള കൊച്ചിയിലെ ആദ്യ മത്സരമാണിത്. സ്റ്റേഡിയത്തിന്‍റെ വാടകയെചൊല്ലി ഉടമകളായ ജിസിഡിഎയും ബ്ലാസ്റ്റേഴ്സ് മാനേജ്‌മെന്‍റും തമ്മിലുണ്ടായ തര്‍ക്കം രമ്യമായി പരിഹരിച്ചതോടെയാണു ഹോം മത്സരത്തിന് കളമൊരുങ്ങിയത്.
Deepika
Corehub Solutions
E-paper LOGIN
LOGIN