തൃശൂർ: നാഷണൽ സർവീസ് സ്കീം (എൻഎസ്എസ്) സംഘടിപ്പിച്ച നിസരി സംസ്ഥാന കലോത്സവത്തിൽ കീരിടം സ്വന്തമാക്കി കണ്ണൂർ സർവകലാശാല. 108 പോയിന്റ് സ്വന്തമാക്കിയാണു നേട്ടം. ഡോ. ആർ.എൻ. അസർ മെമ്മോറിയൽ എവറോളിംഗ് ട്രോഫിയും കണ്ണൂർ സർവകലാശാല സ്വന്തമാക്കി. 79 പോയിന്റ് നേടിയ കോട്ടയം മഹാത്മാഗാന്ധി സർവകലാശാലയ്ക്കാണു രണ്ടാംസ്ഥാനം. 66 പോയിന്റുള്ള കേരള ആരോഗ്യ സർവകലാശാലയ്ക്കു മൂന്നാം സ്ഥാനം.
സർവകലാശാലകൾ, ഐഎച്ച്ആർഡി, ടെക്നിക്കൽ സെൽ, ആരോഗ്യ സർവകലാശാല, ഹയർസെക്കൻഡറി, വൊക്കേഷണൽ ഹയർസെക്കൻഡറി എന്നിവ ഉൾപ്പെടെ 24 സെല്ലുകളിലെ കൗമാരപ്രതിഭകൾ മാറ്റുരച്ചു. തൃശൂർ നഗരത്തിൽ പത്തു വേദികളിലായി 30 ഇനങ്ങളിൽ മത്സരം നടന്നു.സമാപനസമ്മേളനം തൃശൂർ ജില്ലാ പഞ്ചായത്ത് വൈസ് പ്രസിഡന്റ് ടി.കെ. സുധീഷ് ഉദ്ഘാടനം ചെയ്തു.
Deepika
E-paper LOGIN
LOGIN
