കോഴിക്കോട്: നടക്കാവ് പോലീസ് സ്റ്റേഷനില് നടന്ന കസ്റ്റഡി മര്ദനക്കേസില് കുറ്റക്കാരായ ഡിവൈഎസ്പി, മുന് എസിപി എന്നിവരില്നിന്ന് തുക ഈടാക്കി പരാതിക്കാരനു നഷ്ടപരിഹാരം നല്കാന് ആഭ്യന്തര വകുപ്പിന്റെ അനുമതി.
നടക്കാവ് പോലീസ് സ്റ്റേഷനിലെ മുന് എസ്ഐ ജീവന് ജോര്ജ്, മുന് കോഴിക്കോട് നോര്ത്ത് എസിപി സി.എം. പ്രദീപ് കുമാര് എന്നിവരില്നിന്ന് 25,000 രൂപ വീതം ഈടാക്കി പരാതിക്കാരനായ രാജേഷിനാണു നല്കുക.
2008 നടന്ന ഹിയറിംഗില് രാജേഷിന് 50,000 രൂപ നഷ്ടപരിഹാരം നല്കണമെന്ന് സംസ്ഥാന മനുഷ്യാവകാശ കമ്മീഷന് ഉത്തരവിട്ടിരുന്നു. ഇതുമായി ബന്ധപ്പെട്ടു വര്ഷങ്ങള് നീണ്ട നിയമനടപടികള്ക്കു ശേഷമാണ് മനുഷ്യാവകാശ കമ്മീഷന്റെ ഉത്തരവ് നടപ്പാക്കാന് ആഭ്യന്തര വകുപ്പ് അനുമതി നല്കിയത്. പ്രദീപ് കുമാര് പോലീസ് സേനയില്നിന്നു വിരമിച്ചതിനാല് അദ്ദേഹത്തിന്റെ ഡിആര് കുടിശികയില്നിന്ന് 25,000 രൂപ ഈടാക്കാനാണ് അനുമതി.
ജീവന് ജോര്ജ് നിലവില് ഡിവൈഎസ്പിയാണ്. അദ്ദേഹത്തിന്റെ ശമ്പളത്തില്നിന്ന് 25,000 രൂപ ഈടാക്കും. നടക്കാവ് പോലീസ് സ്റ്റേഷനില്വച്ച് നിയമവിരുദ്ധമായി കസ്റ്റഡിയില് വയ്ക്കുകയും ശാരീരികമായി പീഡിപ്പിക്കുകയും ചെയ്തുവെന്നായിരുന്നു രാജേഷിന്റെ പരാതി.
Deepika
E-paper LOGIN
LOGIN
