ന്യൂഡൽഹി: രാജ്യത്തെ മത്സരപരീക്ഷകളുടെ സുതാര്യതയും നിലവാരവും പരിശോധിച്ച് ആവശ്യമായ ശിപാർശകൾ സമർപ്പിക്കാൻ നിയോഗിച്ച നന്ദൻ നിലേകനി സമിതിയുടെ ഇതുവരെയുള്ള കണ്ടെത്തൽ സംബന്ധിച്ച റിപ്പോർട്ട് സമർപ്പിക്കാൻ സുപ്രീംകോടതി നിർദേശം.
ഉന്നതാധികാര സമിതിയുടെ പ്രവർത്തനം ഏകോപിപ്പിക്കുന്ന ഡിപ്പാർട്ട്മെന്റ് ഓഫ് പേഴ്സണൽ ആൻഡ് ട്രെയിനിംഗ് വകുപ്പിലെ ജോയിന്റ് സെക്രട്ടറിയോട് രണ്ടാഴ്ചയ്ക്കുള്ളിൽ ഇതുവരെയുള്ള കണ്ടെത്തൽ സൂചിപ്പിക്കുന്ന സത്യവാങ്മൂലം സമർപ്പിക്കാനാണു ജസ്റ്റീസുമാരായ പി.എസ്. നരസിംഹ, അലോക് ആരാധെ എന്നിവരടങ്ങിയ ബെഞ്ച് നിർദേശിച്ചത്. മൂന്നാഴ്ചയ്ക്കുശേഷം കേസ് പരിഗണിക്കും.
പരീക്ഷാസമ്പ്രദായത്തിൽ പരിഷ്കാരങ്ങൾ കൊണ്ടുവരുന്നതിനായി വിദഗ്ധരുടെ ഉപദേശം പരിഗണിക്കണമെന്നും വാദത്തിനിടെ കോടതി പറഞ്ഞു. കൂടാതെ ശിപാർശകൾ കടലാസിൽ മാത്രമായി ഒതുങ്ങരുതെന്നും അവ കൃത്യമായി നടപ്പാക്കണമെന്നും ബെഞ്ച് നിർദേ ശിച്ചു.
2026ലെ നീറ്റ് പരീക്ഷ ക്രമക്കേടിനെത്തുടർന്ന് ദേശീയ പരീക്ഷാ ഏജൻസിയുടെ പ്രവർത്തനക്ഷമത ഉൾപ്പടെയുള്ള വിഷയങ്ങൾ പരിശോധിക്കുന്നതിനും ആവശ്യമായ ശിപാർശകൾ കൈമാറുന്നതിനും കേന്ദ്രസർക്കാരാണ് ഇൻഫോസിസ് സഹസ്ഥാപകൻ നന്ദൻ നിലേകനിയുടെ നേതൃത്വത്തിലുള്ള ഉന്നതാധികാര സമിതിയെ നിയമിച്ചത്.
Deepika
E-paper LOGIN
LOGIN
