കൊച്ചി: സംഖ്യാശാസ്ത്രത്തില്‍ സ്‌കൂള്‍ വിദ്യാര്‍ഥികള്‍ക്കായി സംഘടിപ്പിച്ച 18-ാമത് എസ്എംഎ അബാക്കസ് ദേശീയ ചാമ്പ്യന്‍ഷിപ്പില്‍ ശ്രീഹരി ജെ. നായര്‍ ദേശീയ ചാമ്പ്യനായി. അഭിനവ് പി. സുധീഷ്, എസ്. രാഹുല്‍ എന്നിവര്‍ യഥാക്രമം രണ്ടും മൂന്നും സ്ഥാനങ്ങള്‍ കരസ്ഥമാക്കി.
ആലുവ ദേശം സ്വദേശിയും ടിവിഎസ് കമ്പനി റീജണല്‍ ഓപ്പറേഷന്‍സ് മേധാവിയുമായ മുണ്ടനാട്ട് ജയരാജ് രാജന്‍റെയും ഇന്ദിരാഗാന്ധി കോളജിലെ ലൈബ്രറേറിയൻ സൗമ്യയുടെയും മകനാണ് ശ്രീഹരി. ആലുവ ജ്യോതി നവാസ് പബ്ലിക് സ്‌കൂളിലെ എട്ടാം ക്ലാസ് വിദ്യാര്‍ഥിയാണ്.
എറണാകുളം സെന്‍റ് തെരേസാസ് കോളജില്‍ നടന്ന മേളയുടെ ഉദ്ഘാടനം ഐഎസ്ആര്‍ഒ മുന്‍ ചെയര്‍മാന്‍ ഡോ. എസ്. സോമനാഥ് ഓണ്‍ലൈനായി നിര്‍വഹിച്ചു. സിബിഎസ്ഇ അസോസിയേഷന്‍ പ്രസിഡന്‍റ് ടി.പി.എം. ഇബ്രാഹിം ഖാന്‍ അധ്യക്ഷത വഹിച്ചു. കുസാറ്റ് ഗണിത വിഭാഗം മുന്‍ പ്രഫസര്‍ ഡോ. അമ്പാട്ട് വിജയകുമാര്‍, മുന്‍വര്‍ഷത്തെ ചാമ്പ്യന്മാരായ ഐശ്വര്യ അജിത്ത്, ആന്‍വി മെല്‍വിന്‍, അന്‍വിത മേനോന്‍, എ.എസ്. അഭിഷ, അഭിനവ് പി. സുധീഷ് എന്നിവര്‍ പ്രസംഗിച്ചു. എസ്എംഎ അബാക്കസ് ചെയര്‍മാന്‍ സുരേഷ് ബാബു, മേഘന സുരേഷ് എന്നിവര്‍ നേതൃത്വം നല്‍കി.
Deepika
Corehub Solutions
E-paper LOGIN
LOGIN
