നെയ്യാറ്റിന്കര: സഹോദരങ്ങളായ സഹപാഠികള്ക്കായി സ്നേഹഭവനത്തിന് അടിസ്ഥാനശില പാകി നെല്ലിമൂട് സെന്റ് ക്രിസോസ്റ്റംസ് ഗേള്സ് ഹൈസ്കൂള്. ബാലരാമപുരം ആലുവിള സ്വദേശികളും പത്താം ക്ലാസിലും ആറാം ക്ലാസിലും പഠിക്കുന്ന സഹോദരിമാര്ക്കായാണ് സ്കൂളിലെ വിദ്യാര്ഥികളുടെയും അധ്യാപകരുടെയും പൂര്വവിദ്യാര്ഥികളുടെയുമെല്ലാം സഹകരണത്തോടെ സുരക്ഷിതമായ കിടപ്പാടം ഒരുക്കുന്ന പ്രവൃത്തികള്ക്ക് തുടക്കം കുറിച്ചത്. സ്കൂളിന്റെ പ്ലാറ്റിനം ജൂബിലി ആഘോഷങ്ങളുടെ ഭാഗമായാണ് ഭവനിർമാണം നടത്തുന്നതെന്നു ഹെഡ്മിസ്ട്രസ് സിസ്റ്റര് ശോഭിതാ ജോസ് അറിയിച്ചു.
അഡ്വ. എം. വിന്സന്റ് എംഎല്എ തറക്കല്ലിടല് നിര്വഹിച്ചു. പിടിഎ പ്രസിഡന്റ് ജെ. ജോണി അധ്യക്ഷനായി. ഫാ. ഷാജി ജോര്ജ്, ലോക്കല് മാനേജര് സിസ്റ്റര് സോഫിയ മേരി, ബാലരാമപുരം പഞ്ചായത്തംഗം വസന്തകുമാരി, കാഞ്ഞിരംകുളം പഞ്ചായത്ത് അംഗം കെ.പി. അനു, സ്കൂള് ഡെപ്യൂട്ടി ഹെഡ്മിസ്ട്രസ് മിനി, സിസ്റ്റര് സ്വാന്തന, സിസ്റ്റര് സംപ്രീത, സിസ്റ്റര് ദിവിന, പിടിഎ അംഗങ്ങളായ ഷാജി, വിപിന്, സനല്കുമാര് എന്നിവര് പങ്കെടുത്തു.