ന്യൂഡൽഹി: ഉത്പന്നങ്ങളുടെ പ്രചാരണത്തിനായി ഇൻസ്റ്റഗ്രാം റീലുകളിൽ തങ്ങളുടെ പകർപ്പവകാശമുള്ള ഗാനങ്ങൾ ഉപയോഗിച്ചുവെന്നാരോപിച്ച് ഫാഷൻ-സൗന്ദര്യവർധക ഉത്പന്നം വിതരണക്കാരായ സീ എന്റർടെയ്ൻമെന്റ് നിയമനടപടി സ്വീകരിച്ചു. 2,10,000 ഡോളർ നഷ്ടപരിഹാരം ആവശ്യപ്പെട്ടാണ് കേസ് ഫയൽ ചെയ്തിരിക്കുന്നതെന്ന്് റോയിട്ടേഴ്സ് റിപ്പോർട്ട് ചെയ്തു.
ഏപ്രിൽ മൂന്നിനു ഡൽഹി ഹൈക്കോടതിയിൽ ഫയൽ ചെയ്ത ഹർജിയിൽ മെറ്റ പ്ലാറ്റ്ഫോംസുമായി ലൈസൻസിംഗ് കരാറുണ്ടെന്ന് സീ വാദിച്ചു. ഈ കരാർ പ്രകാരം വ്യക്തികൾക്ക് തങ്ങളുടെ ഗാനങ്ങൾ വാണിജ്യേതര ആവശ്യങ്ങൾക്കായി ഇൻസ്റ്റഗ്രാം പോസ്റ്റുകളിൽ ഉപയോഗിക്കാൻ അനുമതിയുണ്ട്.
എന്നാൽ, ദശലക്ഷക്കണക്കിനു ഫോളോവേഴ്സുള്ള നൈക്ക തങ്ങളുടെ ഉത്പന്നങ്ങൾ പ്രചരിപ്പിക്കുന്നതിനായി സീയുടെ പകർപ്പകാശമുള്ള നിരവധി ഗാനങ്ങൾ റീലുകളിൽ ഉപയോഗിച്ചതായി സീ കോടതിയെ അറിയിച്ചു.
കോടതി രേഖകൾ പരസ്യമാക്കിട്ടില്ലെങ്കിലും ഇതേക്കുറിച്ച് പ്രതികരിക്കാൻ നൈക്കയും സീയും തയാറായിട്ടില്ല.
മെറ്റയുടെ ഇൻസ്റ്റഗ്രാം പോലുള്ള സോഷ്യൽ മീഡിയ പ്ലാറ്റ്ഫോമുകളിൽ ബ്രാൻഡുകളുടെ പരസ്യത്തിനുള്ള മാർഗമായി ഷോർട്ട് വീഡിയോ ഫോർമാറ്റുകൾ പ്രധാന മാർഗമായി മാറിയിട്ടുണ്ട്. പലപ്പോഴും ജനപ്രിയമായ ഹിന്ദി ഗാനങ്ങളാണ് ഇത്തരം വീഡിയോകളിൽ പശ്ചാത്തല സംഗീതമായി ഉപയോഗിക്കുന്നത്.
തെളിവുകളായി സീ 12 ഇൻസ്റ്റഗ്രാം റീലുകളുടെ പട്ടികയും അവയുടെ സ്ക്രീൻഷോട്ടുകളും കോടതിയിൽ സമർപ്പിച്ചു.
Deepika
E-paper LOGIN
LOGIN
