30

ഗ്ലാ​സ്‌​ഗോ: 23-ാമ​ത് കോ​മ​ണ്‍​വെ​ല്‍​ത്ത് ഗെ​യിം​സി​ന്‍റെ ഇ​ടി​ക്കൂ​ട്ടി​ല്‍ ഇ​ന്ത്യ​ക്കു മെ​ഡ​ല്‍ കി​ലു​ക്കം. ഇ​ന്ന​ലെ മ​ത്സ​രി​ച്ച അ​ഞ്ച് വി​ഭാ​ഗ​ങ്ങ​ളി​ലും ഇ​ന്ത്യ​ന്‍ താ​ര​ങ്ങ​ള്‍ സെ​മി​യി​ല്‍ പ്ര​വേ​ശി​ച്ച് മെ​ഡ​ല്‍ ഉ​റ​പ്പി​ച്ചു. സെ​മി​യി​ല്‍ ഇ​ടം​നേ​ടി​യാ​ല്‍ ചു​രു​ങ്ങി​യ​ത് വെ​ങ്ക​ല​മെ​ഡ​ല്‍ ല​ഭി​ക്കും.

വ​നി​താ ബോ​ക്‌​സിം​ഗി​ല്‍ ഇ​ന്ത്യ​യു​ടെ അ​രു​ന്ധ​തി ചൗ​ധ​രി​യും സാ​ക്ഷി ചൗ​ധ​രി​യും സെ​മി​യി​ല്‍ പ്ര​വേ​ശി​ച്ചു. ശ​ക്ത​മാ​യ പോ​രാ​ട്ട​ത്തി​ലൂ​ടെ തി​രി​ച്ച​ടി​ച്ചാ​ണ് അ​രു​ന്ധ​തി​യു​ടെ സെ​മി പ്ര​വേ​ശം. വ​നി​ത​ക​ളു​ടെ 70 കി​ലോ​ഗ്രാം ബോ​ക്‌​സിം​ഗി​ന്‍റെ ക്വാ​ര്‍​ട്ട​റി​ല്‍ ന്യൂ​സി​ല​ന്‍​ഡി​ന്‍റെ മോ​ര്‍​ഗ​ന്‍ ഹെ​ന്‍​ഡേ​ഴ്‌​സ​ണ്‍ ആ​യി​രു​ന്നു അ​രു​ന്ധ​തി​യു​ടെ എ​തി​രാ​ളി.

ആ​ദ്യ റൗ​ണ്ടി​ല്‍ 3-2ന്‍റെ ​ലീ​ഡ് അ​രു​ന്ധ​തി സ്വ​ന്ത​മാ​ക്കി. എ​ന്നാ​ല്‍, ര​ണ്ടാം റൗ​ണ്ടി​ല്‍ കി​വീ​സ് താ​ര​ത്തി​ന്‍റെ ഇ​ടി​യേ​റ്റ് അ​രു​ന്ധ​തി വീ​ണു. അ​വ​സാ​ന സെ​ക്ക​ന്‍​ഡു​ക​ളി​ല്‍ അ​രു​ന്ധ​തി എ​തി​രാ​ളി​ക്കെ​തി​രേ തു​ട​രെ പ​ഞ്ചിം​ഗ് ന​ട​ത്തി. അ​തോ​ടെ ര​ണ്ടാം റൗ​ണ്ടി​ല്‍ 4-1ന്‍റെ ​ജ​യം. ആ​ദ്യ​ര​ണ്ട് ബൗ​ട്ടും ജ​യി​ച്ച​തോ​ടെ 2-0ന്‍റെ ​ലീ​ഡ്. മൂ​ന്നാം റൗ​ണ്ടി​ല്‍ കി​വീ​സ് താ​രം തു​ട​രെ പ​ഞ്ചിം​ഗ് ന​ട​ത്തി. എ​ന്നാ​ല്‍, മ​ത്സ​ര​ത്തി​ല്‍ സ്പ്ലി​റ്റ് സെ​ക്ക​ന്‍​ഡി​ലൂ​ടെ 3-1ന്‍റെ ​ജ​യം സ്വ​ന്ത​മാ​ക്കി അ​രു​ന്ധ​തി സെ​മി​യി​ലേ​ക്കു കു​തി​ച്ചു.

ആ​ധി​കാ​രി​കം സാ​ക്ഷി

വ​നി​ത​ക​ളു​ടെ 51 കി​ലോ​ഗ്രാം ബോ​ക്‌​സിം​ഗി​ല്‍ ആ​ധി​കാ​രി​ക ജ​യ​ത്തോ​ടെ​യാ​ണ് സാ​ക്ഷി ചൗ​ധ​രി സെ​മി ഫൈ​ന​ല്‍ ടി​ക്ക​റ്റ് സ്വ​ന്ത​മാ​ക്കി​യ​ത്. നോ​ര്‍​ത്തേ​ണ്‍ അ​യ​ര്‍​ല​ന്‍​ഡി​ന്‍റെ കെ​യ്റ്റ്‌​ലി​ന്‍ ഫ്ര​യേ​ഴ്‌​സി​നെ ക്വാ​ര്‍​ട്ട​റി​ല്‍ സാ​ക്ഷി ഇ​ടി​ച്ചി​ട്ടു. 26കാ​രി​യാ​യ സാ​ക്ഷി 5-0ന്‍റെ ​ആ​ധി​കാ​രി​ക ജ​യ​ത്തോ​ടെ​യാ​ണ് മെ​ഡ​ല്‍ ഉ​റ​പ്പി​ച്ച് സെ​മി​യി​ല്‍ പ്ര​വേ​ശി​ച്ച​ത്.

സ​ച്ചി​ന്‍, അ​ങ്കു​ഷ്

പു​രു​ഷ വി​ഭാ​ഗ​ത്തി​ല്‍ സ​ച്ചി​ന്‍ സി​വാ​ച്ച് (60 കി​ലോ​ഗ്രാം), അ​ങ്കു​ഷ് പം​ഗ​ല്‍ (80 കി​ലോ​ഗ്രാം) ജാ​ദു​മാ​നി സിം​ഗ് (55 കി​ലോ​ഗ്രാം) എ​ന്നി​വ​രും സെ​മി​യി​ല്‍ പ്ര​വേ​ശി​ച്ചു.

ഇ​ന്ന​ലെ ന​ട​ന്ന ക്വാ​ര്‍​ട്ട​റി​ല്‍ ബോ​ട്‌​സ്വാ​ന​യു​ടെ ട്ര​ഷ​ന്‍ മൊ​റേ​മി​യെ ഏ​ക​പ​ക്ഷീ​യ​മാ​യി (5-0) ഇ​ടി​ച്ചു​തോ​ല്‍​പ്പി​ച്ചാ​ണ് സ​ച്ചി​ന്‍റെ സെ​മി പ്ര​വേ​ശം. 5-0ന് ​സീ​ഷെ​ല്‍​സി​ന്‍റെ ജേ​ഡ് മി​ക്കോ​ക്കി​നെ ക്വാ​ര്‍​ട്ട​റി​ല്‍ ത​ക​ര്‍​ത്ത് അ​ങ്കു​ഷ് പം​ഗ​ലും സെ​മി​യി​ലേ​ക്കു മു​ന്നേ​റി. തൊ​ട്ടു​പി​ന്നാ​ലെ റിം​ഗി​ല്‍ എ​ത്തി​യ ന​രേ​ന്ദ​ര്‍ ബെ​ര്‍​വാ​ളും സെ​മി ടി​ക്ക​റ്റ് ക​ര​സ്ഥ​മാ​ക്കി.

പു​രു​ഷ 90+ കി​ലോ​ഗ്രാ​മി​ല്‍ സ​മോ​വ​യു​ടെ മൈ​ക്ക​ല്‍ സെ​ക്കോ​യെ ശ​ക്ത​മാ​യ പോ​രാ​ട്ട​ത്തി​ലൂ​ടെ 3-2നു ​കീ​ഴ​ട​ക്കി​യാ​ണ് ന​രേ​ന്ദ​ര്‍ സെ​മി​യി​ലെ​ത്തി​യ​ത്.

ഇ​ടി​ക്കൂ​ട്ടി​ല്‍​നി​ന്ന് ഇ​തി​നോ​ട​കം ഇ​ന്ത്യ ഒ​മ്പ​ത് മെ​ഡ​ല്‍ ഉ​റ​പ്പാ​ക്കി. അ​രു​ന്ധ​തി, സാ​ക്ഷി എ​ന്നി​വ​രു​ടെ സെ​മി ഫൈ​ന​ല്‍ പ്ര​വേ​ശ​ത്തി​നു മു​മ്പ്, പ്രീ​തി പ​വാ​ര്‍ (54 കി​ലോ​ഗ്രാം), പ്രി​യ ഘം​ഗാ​സ് (60 കി​ലോ​ഗ്രാം), ലോ​വ്‌​ലി​ന ബോ​ര്‍​ഗൊ​ഹെ​യ്ന്‍ (75 കി​ലോ​ഗ്രാം) എ​ന്നി​വ​രും വ​നി​താ വി​ഭാ​ഗ​ങ്ങ​ളി​ല്‍ സെ​മി ബെ​ര്‍​ത്ത് സ്വ​ന്ത​മാ​ക്കി മെ​ഡ​ല്‍ ഉ​റ​പ്പി​ച്ചി​രു​ന്നു.