തൃശൂർ: സാഹിത്യ അക്കാദമി വൈലോപ്പിള്ളി ഹാളിൽ മുഖ്യമന്ത്രി പങ്കെടുത്ത പുസ്തകപ്രകാശനച്ചടങ്ങിൽ മാധ്യമപ്രവർത്തകരോടു ചോദ്യംചോദിക്കരുതെന്ന് ആവശ്യപ്പെട്ട് പൊലിസ്.
മുഖ്യമന്ത്രി എത്തുംമുന്പേ സദസിലിരുന്ന വനിതാ മാധ്യമപ്രവർത്തകയെ എഴുന്നേൽപ്പിച്ച് ഹാളിനു പുറത്തേക്കു കൊണ്ടുപോയാണു പൊലിസ് ഉദ്യോഗസ്ഥൻ മുഖ്യമന്ത്രിയോടു ചോദ്യങ്ങൾ ചോദിക്കരുതെന്നു വിലക്കിയത്.
തൃശൂർ എആർ ക്യാന്പിലെ സിഐയുടെ നേതൃത്വത്തിൽ ആയിരുന്നു മാധ്യമപ്രവർത്തകരെ തടഞ്ഞത്. പുസ്തകപ്രകാശനം ചിത്രീകരിക്കുന്നതിൽനിന്നു ദൃശ്യ-പത്രമാധ്യമങ്ങളിലെ ഫോട്ടോഗ്രാഫറെയും കാമറാമാൻമാരെയും തടഞ്ഞു. മാധ്യമപ്രവർത്തകർ പ്രതിഷേധിച്ചതിനു പിന്നാലെ ഉന്നത പൊലിസ് ഉദ്യോഗസ്ഥർ ഇടപെട്ട് രംഗം ശാന്തമാക്കി.
Deepika
E-paper LOGIN
LOGIN
