4

നെ​ടു​ങ്ക​ണ്ടം: പ​ച്ച​ടി തോ​ട്ടു​വാ​ക്ക​ട ഇ​ര​ട്ട​ക്കൊ​ല​പാ​ത​കക്കേസിലെ പ്ര​തി​ സ​ജി, ഇ​യാ​ളു​ടെ പി​താ​വാ​യ മാ​ത്യു​വി​നെ​യും(73) കൊ​ല​പ്പെ​ടു​ത്തി​യ​താ​യി സൂ​ച​ന. ഇ​വ​രു​ടെ പു​ര​യി​ട​ത്തി​ല്‍ പോ​ലീ​സ് മ​ണ്ണ് കു​ഴി​ച്ചു ന​ട​ത്തി​യ പ​രി​ശോ​ധ​ന​യി​ല്‍ മാ​ത്യു​വി​ന്‍റേതെ​ന്നു സം​ശ​യി​ക്കു​ന്ന അ​സ്ഥി​ക്ക​ഷ​ണം ക​ണ്ടെ​ത്തി.

ക​ഴി​ഞ്ഞ 27നാ​ണ് പൊ​ന്നൂ​ട്ടി​യി​ല്‍ മേ​രി​ക്കു​ട്ടി, മ​ക​ന്‍ റെ​ജി എ​ന്നി​വ​രു​ടെ മൃ​ത​ദേ​ഹ​ങ്ങ​ള്‍ ഇ​വ​രു​ടെ വീ​ടി​നു സ​മീ​പം കു​ഴി​ച്ചി​ട്ട നി​ല​യി​ല്‍ പോ​ലീ​സ് ക​ണ്ടെ​ത്തി​യ​ത്. പി​റ്റേ​ദി​വ​സം മേ​രി​ക്കു​ട്ടി​യു​ടെ ഇ​ള​യ മ​ക​ൻ സ​ജി​യെ പോ​ലീ​സ് അ​റ​സ്റ്റ് ചെ​യ്തി​രു​ന്നു.

അമ്മയെയും സ​ഹോ​ദ​ര​നെ​യും കൊ​ല​പ്പെ​ടു​ത്തി കു​ഴി​ച്ചി​ടു​ക​യാ​യി​രു​ന്നെ​ന്നു ചോ​ദ്യം​ചെ​യ്യ​ലി​ല്‍ സ​ജി സമ്മതിച്ചു. പി​താ​വി​നെ​യും ഇ​യാ​ൾ കൊ​ല​പ്പെ​ടു​ത്തി​യ​താ​യി പോ​ലീ​സി​ന് സൂ​ച​ന ന​ല്‍​കി​യെ​ങ്കി​ലും പി​ന്നീ​ട് അ​തു നി​ഷേ​ധി​ച്ചു.

ഇ​ന്ന​ലെ കോ​ട​തി​യി​ല്‍നി​ന്ന് ഇ​യാ​ളെ പോ​ലീ​സ് ക​സ്റ്റ​ഡി​യി​ല്‍ വാ​ങ്ങി, പു​ര​യി​ട​ത്തി​ല്‍ ഹി​റ്റാ​ച്ചി ഉ​പ​യോ​ഗി​ച്ച് മ​ണ്ണ് നീ​ക്കം ചെ​യ്ത് പ​രി​ശോ​ധ​ന ന​ട​ത്തി. വീ​ടി​ന്‍റെ പി​ൻ​വ​ശ​ത്ത് മു​മ്പു​ണ്ടാ​യി​രു​ന്ന പ​ടു​താ​ക്കു​ഴി​യി​ലെ മ​ണ്ണ് മാ​റ്റി​യ​പ്പോ​ഴാ​ണ് അ​സ്ഥി​ക്ക​ഷ​ണം ക​ണ്ട​ത്. ഇ​തോ​ടൊ​പ്പം മാ​ത്യു​വി​ന്‍റേ​തെ​ന്ന് സം​ശ​യി​ക്കു​ന്ന വെ​ള്ള ഷ​ര്‍​ട്ടും പാ​ന്‍റ്സും ക​ണ്ടെ​ത്തി.

2018 മാ​ര്‍​ച്ച് മൂ​ന്നി​നാ​ണ് സ​ജി​യു​ടെ പി​താ​വാ​യ മാ​ത്യു​വി​നെ(73) കാ​ണാ​താ​യ​ത്. പാ​സ്റ്റ​റാ​യ ഇ​ദ്ദേ​ഹം മ​ക​ളു​ടെ ചി​കി​ത്സാ ആ​വ​ശ്യ​ത്തി​ന് ക​ട്ട​പ്പ​ന വെ​ള്ള​യാം​കു​ടി​ക്ക് പോ​യെന്നാ​ണ് പ​റ​ഞ്ഞി​രു​ന്ന​ത്. കൊ​ല്ല​പ്പെ​ട്ട റെ​ജി, പി​താ​വി​നെ കാ​ണാ​താ​യ​തു സം​ബ​ന്ധി​ച്ച് മാ​ര്‍​ച്ച് ഒ​മ്പ​തി​ന് പോ​ലീ​സി​ൽ പ​രാ​തി ന​ല്‍​കി​യി​രു​ന്നു.

എ​ന്നാ​ല്‍, വ്യ​ക്ത​മാ​യ തെ​ളി​വു​ക​ള്‍ ല​ഭി​ക്കാ​തെവ​ന്ന​തോ​ടെ അ​ന്വേ​ഷ​ണം അ​വ​സാ​നി​പ്പിക്കുക യായിരുന്നു. സ​ജി, അ​മ്മ​യെ​യും സ​ഹോ​ദ​ര​നെ​യും കൊ​ല​പ്പെ​ടു​ത്തി​യ സാ​ഹ​ച​ര്യ​ത്തി​ലാ​ണ് മാ​ത്യു​വി​ന്‍റെ തി​രോ​ധാ​നം സം​ബ​ന്ധി​ച്ച് പു​തി​യ അ​ന്വേ​ഷ​ണം ആ​രം​ഭി​ച്ച​ത്.

ഇ​ന്ന​ലെ ന​ട​ത്തി​യ പ​രി​ശോ​ധ​ന​യി​ല്‍ ല​ഭി​ച്ച അ​സ്ഥി​ക്ക​ഷ​ണ​ങ്ങ​ള്‍ ശാ​സ്ത്രീ​യ പ​രി​ശോ​ധ​ന​യ്ക്ക് വി​ധേ​യ​മാ​ക്കി​യാ​ലേ ഇ​ത് മാ​ത്യു​വി​ന്‍റേതാ​ണോ എ​ന്ന് സ്ഥി​രീ​ക​രി​ക്കാ​നാ​കൂ. ഇ​ന്ന​ലെ ഉ​ച്ച​യോ​ടെ ആ​രം​ഭി​ച്ച പ​രി​ശോ​ധ​ന രാ​ത്രിവ​രെ നീ​ണ്ടു.