10

ഇഎസ്എ വിഷയം ചർച്ചചെയ്ത് പ്രത്യേക ഗ്രാമസഭായോഗം

പാ​ല​ക്ക​യം: ക​സ്തൂ​രി​രം​ഗ​ൻ റി​പ്പോ​ർ​ട്ട് പ്ര​കാ​രം പ​രി​സ്ഥി​തി ലോ​ലപ്ര​ദേ​ശ​മാ​യി പ്ര​ഖ്യാ​പി​ക്ക​പ്പെ​ട്ട പാ​ല​ക്ക​യം വി​ല്ലേ​ജി​ലെ ജ​ന​വാ​സ മേ​ഖ​ല​ക​ളും കൃ​ഷി​യി​ട​ങ്ങ​ളും തോ​ട്ട​ങ്ങ​ളും ഒ​ഴി​വാ​ക്കി മാ​ത്ര​മേ അ​ന്തി​മ വി​ജ്ഞാ​പ​നം പു​റ​പ്പെ​ടു​വി​ക്കാ​വൂ എ​ന്ന് സ​ർ​ക്കാ​രി​നോ​ടാ​വ​ശ്യ​പ്പെ​ട്ടു​കൊ​ണ്ട് ത​ച്ച​മ്പാ​റ പ​ഞ്ചാ​യ​ത്തി​ലെ 7, 8, 9, പ​ത്ത് വാ​ർ​ഡു​ക​ളി​ലെ സം​യു​ക്ത സ്പെ​ഷ​ൽ ഗ്രാ​മ​സ​ഭ ചേ​ർ​ന്നു.

പാ​ല​ക്ക​യം സെ​ന്‍റ് മേ​രീ​സ് പാ​രി​ഷ് ഹാ​ളി​ൽ ചേ​ർ​ന്ന യോ​ഗ​ത്തി​ൽ ത​ച്ച​മ്പാ​റ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് മേ​രി ജോ​സ​ഫ് അ​ധ്യ​ക്ഷ​ത വ​ഹി​ച്ചു. പാ​ല​ക്ക​യം സെ​ന്‍റ് മേ​രീ​സ് പ​ള്ളി വി​കാ​രി ഫാ. ​ബി​നു പൊ​ൻ​കാ​ട്ടി​ൽ പ്ര​മേ​യം അ​വ​ത​രി​പ്പി​ച്ചു.

ക​സ്തൂ​രി​രം​ഗ​ൻ റി​പ്പോ​ർ​ട്ട് ന​ട​പ്പി​ലാ​ക്കാ​ൻ തീ​രു​മാ​നി​ച്ച​തു മു​ത​ൽ കേ​ന്ദ്ര- സം​സ്ഥാ​ന സ​ർ​ക്കാ​രു​ക​ൾ ജ​ന​വാ​സ മേ​ഖ​ല​ക​ളെ​യും കൃ​ഷി​യി​ട​ങ്ങ​ളെ​യും തോ​ട്ട​ങ്ങ​ളെ​യും പ​രി​സ്ഥി​തി​ലോ​ല മേ​ഖ​ല​യി​ൽ ഉ​ൾ​പ്പെ​ടു​ത്തി​ല്ലെ​ന്ന് ജ​ന​ങ്ങ​ൾ​ക്ക് നി​ര​ന്ത​രം ഉ​റ​പ്പു​ന​ൽ​കി​യി​രു​ന്നു. എ​ന്നാ​ൽ വ​ർ​ഷ​ങ്ങ​ൾ ക​ഴി​ഞ്ഞി​ട്ടും ഈ ​വി​ഷ​യ​ത്തി​ൽ ശാ​ശ്വ​ത​മാ​യ പ​രി​ഹാ​ര​മു​ണ്ടാ​കാ​തെ അ​വ്യ​ക്ത​ത തു​ട​രു​ക​യാ​ണ്. ഇ​തു പാ​ല​ക്ക​യം വി​ല്ലേ​ജി​ലെ ക​ർ​ഷ​ക​രു​ടെ​യും സാ​ധാ​ര​ണ​ക്കാ​രു​ടെ​യും സ്വൈ​ര​ജീ​വി​ത​ത്തി​നും ഉ​പ​ജീ​വ​ന​ത്തി​നും ക​ടു​ത്ത ഭീ​ഷ​ണി​യാ​ണ് ഉ​യ​ർ​ത്തു​ന്ന​ത്.

യു​നെ​സ്കോ പൈ​തൃ​ക​പ​ദ​വി​യു​ടെ മ​റ​വി​ൽ ജ​ന​ങ്ങ​ളെ കു​ടി​യൊ​ഴി​പ്പി​ക്കാ​ൻ വ​ന്യ​ജീ​വി​ശ​ല്യം ത​ട​യാ​തി​രി​ക്കു​ന്ന വ​നം​വ​കു​പ്പി​ന്‍റെ നി​ല​പാ​ടും ക​ർ​ഷ​ക​രെ ക​ടു​ത്ത ആ​ശ​ങ്ക​യി​ലാ​ക്കു​ന്നു.

മെ​ഴു​കും​പാ​റ മു​ത​ൽ കാ​ഞ്ഞി​ക്കു​ളം വ​ട​ക്ക​ന്‍റെ​കാ​ട് വ​രെ നീ​ണ്ടു​കി​ട​ക്കു​ന്ന പാ​ല​ക്ക​യം വി​ല്ലേ​ജി​നെ ഭൂ​മി​ശാ​സ്ത്ര​പ​ര​മാ​യും ജ​ന​വാ​സ സ്വ​ഭാ​വ​മ​നു​സ​രി​ച്ചും പു​ന​ർ​വി​ഭ​ജി​ക്കു​ക. ജ​ന​വാ​സ മേ​ഖ​ല​ക​ൾ, കൃ​ഷി​യി​ട​ങ്ങ​ൾ, തോ​ട്ട​ങ്ങ​ൾ എ​ന്നി​വ മാ​ത്ര​മാ​യി പ്ര​ത്യേ​ക വി​ല്ലേ​ജാ​യി രൂ​പീ​ക​രി​ച്ച് അ​വ​യെ പ​രി​സ്ഥി​തി​ലോ​ല മേ​ഖ​ല​യി​ൽ​നി​ന്ന് പൂ​ർ​ണ​മാ​യി ഒ​ഴി​വാ​ക്കു​ക.

പാ​ല​ക്ക​യം വി​ല്ലേ​ജി​ലെ ജ​ന​വാ​സ- കാ​ർ​ഷി​ക മേ​ഖ​ല​ക​ളെ തൊ​ട്ട​ടു​ത്തു​ള്ള പൊ​റ്റ​ശേ​രി, ത​ച്ച​മ്പാ​റ, ക​രി​മ്പ, ക​ല്ല​ടി​ക്കോ​ട് എ​ന്നീ വി​ല്ലേ​ജു​ക​ളി​ലേ​ക്ക് പു​നഃ​ക്ര​മീ​ക​രി​ച്ച് ചേ​ർ​ത്ത് പ​രി​സ്ഥി​തി​ലോ​ല മേ​ഖ​ല​യി​ൽ​നി​ന്ന് ഒ​ഴി​വാ​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്കു​ക. ഒ​മാ​ൻ ഉ​ൾ​പ്പെ​ടെ​യു​ള്ള മ​റ്റു രാ​ജ്യ​ങ്ങ​ൾ ചെ​യ്ത​തു​പോ​ലെ ജ​ന​വാ​സ മേ​ഖ​ല​ക​ൾ ഉ​ൾ​പ്പെ​ടു​ന്ന പ​ശ്ചി​മ​ഘ​ട്ട​ഭാ​ഗ​ങ്ങ​ളെ യു​നെ​സ്കോ​യു​ടെ ലോ​ക പൈ​തൃ​ക​പ​ട്ടി​ക​യി​ൽ​നി​ന്ന് പി​ൻ​വ​ലി​ക്കാ​ൻ കേ​ന്ദ്ര​സ​ർ​ക്കാ​ർ അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്കു​ക.

വി​ല്ലേ​ജി​ലെ ഏ​തെ​ങ്കി​ലും ഒ​രു പ്ര​ദേ​ശം പ​രി​സ്ഥി​തി​ലോ​ല പ്ര​ദേ​ശ​മാ​ണെ​ന്ന കാ​ര​ണ​ത്താ​ൽ ആ ​വി​ല്ലേ​ജി​നെ മു​ഴു​വ​നാ​യും പ​രി​സ്ഥി​തി​ലോ​ല മേ​ഖ​ല​യാ​യി പ്ര​ഖ്യാ​പി​ച്ച് നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്ത​രു​ത് തു​ട​ങ്ങി​യ നി​ർ​ദേ​ശ​ങ്ങ​ൾ യോ​ഗ​ത്തി​ൽ ഉ​ന്ന​യി​ക്ക​പ്പെ​ട്ടു.

പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് സെ​ലീ​ന, വാ​ർ​ഡ് മെം​ബ​ർ​മാ​രാ​യ ഉ​ണ്ണി വേ​ങ്ങ​ശേ​രി, റെ​ജി കു​റ്റി​ക്ക​ൽ, ബ്ലോ​ക്ക്പ​ഞ്ചാ​യ​ത്ത് മെം​ബ​ർ ബെ​റ്റി ലോ​റ​ൻ​സ്, ജി​ല്ലാ പ​ഞ്ചാ​യ​ത്ത് മെം​ബ​ർ ബീ​ന ത​ക​ര​പ്പ​ള്ളി​ൽ, കു​ഞ്ഞു​മോ​ൻ, പു​ഷ്പ​ല​ത, പ്ര​കാ​ശ്, ത​ച്ച​മ്പാ​റ പ​ഞ്ചാ​യ​ത്ത് സെ​ക്ര​ട്ട​റി എ​ന്നി​വ​ർ യോ​ഗ​ത്തി​ൽ പ്ര​സം​ഗി​ച്ചു. വി​വി​ധ വാ​ർ​ഡു​ക​ളി​ൽ നി​ന്നാ​യി ആ​യി​ര​ത്തോ​ളം​പേ​ർ ഗ്രാ​മ​സ​ഭ​യി​ൽ പ​ങ്കെ​ടു​ത്തു.

പ്രതികരണം

ക​സ്തൂ​രി​രം​ഗ​ൻ സ​മി​തി ശാ​സ്ത്രീ​യ​മാ​യ ഭൂ​ത​ല പ​രി​ശോ​ധ​ന ന​ട​ത്താ​തെ ഉ​പ​ഗ്ര​ഹ ചി​ത്ര​ങ്ങ​ളേ​യും റി​മോ​ട്ട് സെ​ൻ​സിം​ഗി​നെ​യും മാ​ത്രം ആ​ശ്ര​യി​ച്ചാ​ണ് റി​പ്പോ​ർ​ട്ട് ത​യാ​റാ​ക്കി​യ​ത്. ഇ​തി​ന്‍റെ ഫ​ല​മാ​യി ക​ർ​ഷ​ക​രു​ടെ കൃ​ഷി​യി​ട​ങ്ങ​ളും തോ​ട്ട​ങ്ങ​ളും നി​ബി​ഡ​വ​ന​ങ്ങ​ളാ​യി രേ​ഖ​പ്പെ​ടു​ത്ത​പ്പെ​ടു​ക​യും ചെ​യ്തു. വി​ല്ലേ​ജാ​ണ് അ​ടി​സ്ഥാ​ന യൂ​ണി​റ്റെ​ന്ന് സു​പ്രീം കോ​ട​തി​യും ദേ​ശീ​യ​ഹ​രി​ത ട്രൈ​ബ്യൂ​ണ​ലും വ്യ​ക്ത​മാ​ക്കി​യി​ട്ടും വി​ല്ലേ​ജു​ക​ളെ വി​ഭ​ജി​ച്ച് ജ​ന​വാ​സ​മേ​ഖ​ല​ക​ളെ ഒ​ഴി​വാ​ക്കാ​ൻ ഭ​ര​ണ​കൂ​ട​ങ്ങ​ൾ താ​ത്പ​ര്യം കാ​ട്ടു​ന്നി​ല്ല. ആ​ധു​നി​ക സാ​ങ്കേ​തി​ക​വി​ദ്യ​യു​ടെ സ​ഹാ​യ​ത്തോ​ടെ വി​ല്ലേ​ജു​ക​ൾ പു​ന​ർ​വി​ഭ​ജി​ച്ച് ജ​ന​വാ​സ മേ​ഖ​ല​ക​ൾ, കൃ​ഷി​സ്ഥ​ല​ങ്ങ​ൾ, തോ​ട്ട​ങ്ങ​ൾ എ​ന്നി​വ​യെ ഇ​എ​സ്എ പ​രി​ധി​യി​ൽ​നി​ന്ന് പൂ​ർ​ണ​മാ​യി ഒ​ഴി​വാ​വാ​ക്ക​ണം.

അ​ഡ്വ. ബോ​ബി ബാ​സ്റ്റ്യ​ൻ,
ക​ത്തോ​ലി​ക്ക കോ​ൺ​ഗ്ര​സ് പാ​ല​ക്കാ​ട് രൂ​പ​ത പ്ര​സി​ഡ​ന്‍റ്

യ​ഥാ​ർ​ഥ വ​ന​ഭൂ​മി​യും കൃ​ഷി​ഭൂ​മി​യും വേ​ർ​തി​രി​ച്ച് വ്യ​ക്ത​മാ​യ അ​തി​ർ​ത്തി​ക്ക​ല്ലു​ക​ൾ സ്ഥാ​പി​ച്ച് ക​ർ​ഷ​ക​രു​ടെ ആ​ശ​ങ്ക ശാ​ശ്വ​ത​മാ​യി പ​രി​ഹ​രി​ക്ക​ണം. പ​ട്ടി​ണി കി​ട​ന്നും കു​ടും​ബാം​ഗ​ങ്ങ​ൾ ഒ​രു​മി​ച്ചും കാ​ടു​വെ​ട്ടി​ത്തെ​ളി​ച്ച് കൃ​ഷി​യി​റ​ക്കി കാ​ർ​ഷി​ക ഉ​ത്പ​ന്ന​ങ്ങ​ൾ വി​ള​വെ​ടു​ത്തു​കൊ​ണ്ടി​രി​ക്കു​മ്പോ​ൾ കൃ​ഷി​ഭൂ​മി പ​രി​സ്ഥി​തി​ലോ​ല മേ​ഖ​ലാ​യി​പ്ര​ഖ്യാ​പി​ച്ച് ഇ​റ​ക്കി​വി​ടാ​നു​ള്ള സ​ർ​ക്കാ​രി​ന്‍റെ പ​ദ്ധ​തി എ​ന്തു വി​ല​കൊ​ടു​ത്തും തോ​ൽ​പ്പി​ക്കും. പ്ര​ദേ​ശ​ത്തെ സ്ത്രീ​ക​ളെ നി​ര​ത്തി ശ​ക്ത​മാ​യ പ്ര​തി​ക്ഷേ​ധം സം​ഘ​ടി​പ്പി​ക്കാ​നും മ​ടി​ക്കി​ല്ല.

ഡാ​നി സ​ണ്ണി നെ​ടു​മ്പു​റം,
മാ​തൃ​വേ​ദി യൂ​ണി​റ്റ് പ്ര​സി​ഡ​ന്‍റ്, പാ​ല​ക്ക​യം.

2012 മു​ത​ൽ മാ​റി​മാ​റി​വ​ന്ന സ​ർ​ക്കാ​രു​ക​ൾ ജ​ന​വാ​സ- കാ​ർ​ഷി​ക മേ​ഖ​ല​ക​ളെ ഇ​എ​സ്എ​യി​ൽ​നി​ന്ന് ഒ​ഴി​വാ​ക്കു​മെ​ന്നു വാ​ഗ്ദാ​നം ന​ൽ​കു​ന്നു​ണ്ടെ​ങ്കി​ലും ഇ​തു​വ​രെ ശാ​ശ്വ​ത പ​രി​ഹാ​രം ഉ​ണ്ടാ​യി​ട്ടി​ല്ല. വ​ർ​ഷ​ങ്ങ​ളാ​യി കൈ​വ​ശം വ​ച്ചു​പോ​രു​ന്ന ഭൂ​മി​യി​ൽ സാ​ങ്കേ​തി​ക​ത്വം​പ​റ​ഞ്ഞ് കു​ടി​യി​റ​ക്കാ​നു​ള്ള നീ​ക്കം അ​പ​ല​നീ​യ​മാ​ണ്. പ​ട്ട​യ​വും ആ​ധാ​ര​വും ത​ണ്ട​പ്പേ​രു​മു​ള്ള ഭൂ​മി പ​രി​സ്ഥി​തി​യു​ടെ പേ​രി​ൽ പി​ടി​ച്ചെ​ടു​ക്കാ​നു​ള്ള നീ​ക്കം ശ​ക്ത​മാ​യി നേ​രി​ടും. പ​ര​മ്പ​രാ​ഗ​ത സ്വ​ത്ത് കൈ​വി​ടാ​ൻ ത​യാ​റ​ല്ല.

സാ​ജ​ൻ ജോ​ർ​ജ് അ​മ്മോ​ട്ടു​കു​ന്നേ​ൽ,
ഓ​ട്ടോ​റി​ക്ഷാ ഡ്രൈ​വ​ർ, പാ​ല​ക്ക​യം.