അയിരൂര്: ആറന്മുള ഉത്രട്ടാതി ജലമേളയില് ബി ബാച്ചില് തുടര്ച്ചയായി മൂന്നാം വിജയത്തോടെ ഹാട്രിക് നേടി മന്നം ട്രോഫി കരസ്ഥമാക്കിയ കോറ്റാത്തൂര് കൈതക്കോടി പള്ളിയോടത്തിനും എ ബാച്ചില് ആറാം സ്ഥാനത്ത് എത്തിയ അയിരൂര് പള്ളിയോടത്തിനും അയിരൂര് ഗ്രാമപഞ്ചായത്തിന്റെ നേതൃത്വത്തില് ആചാരപരമായ സ്വീകരണം നല്കി. രണ്ട് പള്ളിയോടങ്ങളിലെയും ക്യാപ്റ്റന്മാര്ക്കും പ്രതിനിധികള്ക്കും ഗ്രാമ പഞ്ചായത്തിന്റെ ആദരം നല്കി.
അനുമോദന സമ്മേളനം പഴകുളം മധു എംഎല്എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് സുരേഷ് കുഴിവേലില് അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് പ്രീത ബി. നായര് സ്റ്റാന്ഡിംഗ് കമ്മിറ്റി ചെയര്മാന്മാരായ സന്തോഷ് ജോസഫ് കൊച്ചുപറമ്പില്, ശ്രീകല ഹരികുമാര്, സാംകുട്ടി അയ്യക്കാവില്, ഗ്രാമപഞ്ചായത്ത് അംഗങ്ങളായ ടി.സി. മഞ്ജുഷ, സുജാത സന്തോഷ്, ബോബന് താഴമണ്, അഭിനു മത്തായി, സുലേഖ ചന്ദ്രശേഖരന്, അജയ് ഗോപിനാഥ്, സ്മിത സോമശേഖരന്, രേണുക സജികുമാര്, ലിസി ശാമുവേല്, അമ്പിളി പ്രഭാകരന് നായര്, അനിത കുറുപ്പ്, അയിരൂര് വില്ലേജ് സര്വീസ് സഹകരണ ബാങ്ക് പ്രസിഡന്റ് ഉണ്ണി പ്ലാച്ചേരി എന്എസ്എസ് പ്രാദേശിക യൂണിയന് പ്രസിഡന്റ് പ്രസാദ് കൈലാത്ത്, പഞ്ചായത്ത് സെക്രട്ടറി ടി.എസ്. സജീഷ് തുടങ്ങിയവര് പ്രസംഗിച്ചു.
Deepika
E-paper LOGIN
LOGIN
