ആലത്തൂർ: ഗ്രാമപഞ്ചായത്തിലെ എട്ടാം വാർഡിലെ കുടിവെള്ളപ്രശ്നം ശാശ്വതമായി പരിഹരിക്കണമെന്ന് ആവശ്യപ്പെട്ടുകൊണ്ട് പഞ്ചായത്ത് അസിസ്റ്റന്റ് സെക്രട്ടറിയെ ഉപരോധിച്ചു.
കുടിവെള്ളക്ഷാമം അനുഭവിക്കുന്ന ഇരുപതോളം വരുന്ന കുടുംബങ്ങൾ വാർഡ് മെംബർമാരായ ലീല ശശി, ഗീത ടീച്ചർ എന്നിവരുടെ നേതൃത്വത്തിലാണ് ഉപരോധം നടത്തിയത്. പഞ്ചായത്ത് സെക്രട്ടറിയുടെ അഭാവത്തിൽ അസിസ്റ്റന്റ് സെക്രട്ടറിയുമായി നടത്തിയ ചർച്ചയിൽ കുടിവെള്ളക്ഷാമം പരിഹരിക്കാമെന്ന ഉറപ്പിൽ സമരം അവസാനിപ്പിച്ചു.കെ. സതീഷ്, സഹാവുദീൻ, മണ്ഡലം കോൺഗ്രസ് കമ്മിറ്റി പ്രസിഡന്റ് ഹാരിസ്, രാമചന്ദ്രൻ, വിനോദ് പെരുങ്കുളം എന്നിവർ പങ്കെടുത്തു.