Deepika
ADVERTISEMENT
Kerala
കൊച്ചി: ജനിച്ചുവളര്‍ന്ന ഗ്രാമത്തിന്‍റെ ലാവണ്യം ഉള്ളില്‍ സൂക്ഷിക്കുമ്പോഴും , മുന്നിലെത്തിയ പ്രതിസന്ധികളെ ചടുലമായി കീഴടക്കി, തനതായ വഴിവെട്ടി മുന്നേറിയ രാഷ്ട്രീയ ജീവിതം. അന്തരിച്ച മുന്‍ മന്ത്രി ടി.യു. കുരുവിളയുടെ ജീവിതവും രാഷ്ട്രീയവും കഠിനാധ്വാനവും വിജയവും സമം ചേരുന്നൊരു ഫോര്‍മുലയാണ്.
ചെറുപ്പത്തില്‍ നാട്ടിലെ പേരെടുത്ത നീന്തല്‍ക്കാരനെന്ന ഖ്യാതി കുരുവിളയ്ക്കുണ്ടായിരുന്നു. രാഷ്ട്രീയത്തിലും ജീവിതത്തിലും വിജയങ്ങളിലേക്കു നീന്തിക്കയറാനുള്ള കുതിപ്പില്‍, തടസങ്ങളെപ്പോലും അദ്ദേഹം ഊര്‍ജമാക്കി. സിവില്‍ എന്‍ജിനിയറിംഗ് ബിരുദധാരിയില്‍ നിന്നു പഞ്ചായത്ത് പ്രസിഡന്‍റിലേക്കും അവിടെനിന്നു സംസ്ഥാനത്തിന്‍റെ പൊതുമരാത്ത് മന്ത്രിവരെയുമെത്തിയ അദ്ദേഹത്തിന്‍റെ സുദീര്‍ഘ പൊതുജീവിതത്തിനു മാറ്റേറെയാണ്.
1964-78 കാലഘട്ടത്തില്‍ കീരംപാറ പഞ്ചായത്ത് പ്രസിഡന്‍റായിരുന്ന ടി.യു. കുരുവിള നാടിന്‍റെ എല്ലാ ആവശ്യങ്ങളിലും സജീവസാന്നിധ്യമായിരുന്നു. ജനപ്രതിനിധി എന്ന നിലയില്‍ തന്‍റെ നേതൃമികവിന്‍റെ വഴികള്‍ തുറക്കാനുള്ള അവസരം കൂടിയായിരുന്നു അത്. തുടര്‍ന്നിങ്ങോട്ട് കേരള കോണ്‍ഗ്രസ് രാഷ്ട്രീയത്തിലും ഭരണരംഗത്തും യാക്കോബായ സഭയിലെ നേതൃപദവികളിലുമെല്ലാം അദ്ദേഹം നക്ഷത്രത്തിളക്കങ്ങള്‍ അടയാളപ്പെടുത്തി. കേരള കോണ്‍ഗ്രസിന്‍റെ തലമുതിര്‍ന്ന നേതാവ്, കോതമംഗലം എംഎല്‍എ, മന്ത്രി, മികച്ച സംഘാടകന്‍, സഹകാരി, വ്യവസായി, ടൂറിസം സംരംഭകന്‍, വിദ്യാഭ്യാസ മാര്‍ഗദര്‍ശി, ലയണ്‍സ് പ്രസ്ഥാനത്തിന്‍റെ സാരഥി.... ടി.യു. കുരുവിള എന്ന സാരഥിയുടെ പേരിനു താഴെ കുറിക്കാന്‍ വിശേഷണങ്ങളേറെ.
കോതമംഗലം മണ്ഡലത്തിലെ എല്ലാ പ്രധാന റോഡുകളിലും ലോകോത്തര നിലവാരമുള്ള ടാറിംഗ് ഉറപ്പാക്കിയത് ടി.യു. കുരു വിള ജനപ്രതിനിധിയായപ്പോഴാണ്. കോടിക്കണക്കിന് രൂപയുടെ പദ്ധതികളാണ് പൊതുമരാമത്ത് വകുപ്പില്‍ കോതമംഗലം മണ്ഡലത്തില്‍ നടപ്പാക്കിയത്. എല്ലാ കനാല്‍ റോഡുകളും ടാര്‍ ചെയ്തു.
ഏറ്റവും കൂടുതല്‍ ഗ്രാമീണ റോഡുകള്‍ പൊതുമരാമത്ത് വകുപ്പിനെക്കൊണ്ട് ഏറ്റെടുപ്പിക്കാനായതും ഭൂതത്താന്‍കെട്ട് ബാരേജിലൂടെയുള്ള പാലത്തിന്‍റെ കാലപ്പഴക്കം കണക്കിലെടുത്ത് ഇറിഗേഷന്‍ വകുപ്പില്‍ നിന്നും അനുമതി ലഭ്യമാക്കി പുതിയ പാലം നിര്‍മിച്ചതും ടി.യു. കുരുവിള എംഎല്‍എയായിരുന്നപ്പോഴാണ്. ഏഴു നിലകളിലുള്ള കോതമംഗലം മിനി സിവില്‍ സ്റ്റേഷന്‍ യാഥാര്‍ഥ്യമാക്കിയത് കുരുവിളയുടെ കാലഘട്ടത്തിലായിരുന്നു.
കായികതാരങ്ങള്‍ക്ക് താമസിച്ചു പരിശീലനം നേടുന്നതിനുള്ള സിന്തറ്റിക് ട്രാക്കോടുകൂടിയ ചേലാടാ സ്റ്റേഡിയം പദ്ധതി ടി.യു. കുരുവിളയുടെ ആശയമായിരുന്നു. ഇതിന്‍റെ പ്രവര്‍ത്തനങ്ങളുമായി ഏറെ ദൂരം അദ്ദേഹം മുന്നോട്ടുപോയതാണ്. പില്‍ക്കാലത്ത് സാങ്കേതിക തടസങ്ങള്‍ ചൂണ്ടിക്കാട്ടി പദ്ധതി മുടങ്ങി.
വി.എസ്. സര്‍ക്കാരില്‍ പി.ജെ. ജോസഫിന്‍റെ രാജിയെത്തുടര്‍ന്നു 2006ല്‍ മന്ത്രിസ്ഥാനം ഏറ്റെടുത്ത ടി.യു. കുരുവിള ചുരുങ്ങിയ കാലം കൊണ്ടു പൊതുമരാമത്തു വകുപ്പില്‍ ശ്രദ്ധേയമായ പ്രവര്‍ത്തനങ്ങള്‍ക്കു നേതൃത്വം നല്‍കി. ഒരു വര്‍ഷത്തിനുശേഷമെത്തിയ രാജകുമാരി ഭൂമിയിടപാട് വിവാദത്തില്‍പ്പെട്ടു മന്ത്രിപദവി ഒഴിയേണ്ടിവന്നു. അതിനുശേഷവും പൊതുരംഗത്ത് അദ്ദേഹം നിറഞ്ഞുനിന്നു.
Kerala
തൃശൂർ: ടി.എൻ. പ്രതാപനു തെരഞ്ഞെടുപ്പുപ്രവർത്തനങ്ങൾക്കായി ഒന്നേമുക്കാൽ പവന്റെ സ്വർണവള ഊരിക്കൊടുത്ത് പഞ്ചായത്ത് പ്രസിഡന്‍റ്.
മണലൂർ നിയോജകമണ്ഡലം യുഡിഎഫ് സ്ഥാനാർഥിയായ ടി.എൻ. പ്രതാപനു വെങ്കിടങ്ങ് ഗ്രാമപഞ്ചായത്ത് പ്രസിഡന്‍റ് ഗ്രേസി ജേക്കബാണ് സ്വർണവള സമ്മാനിച്ചത്.ഇന്നലെ തൃശൂർ കളക്ടറേറ്റിൽ നാമനിർദേശപത്രിക സമർപ്പണത്തിനുശേഷം താഴേക്കിറങ്ങുന്പോഴായിരുന്നു ഉപഹാരസമർപ്പണം. ഗ്രേസി വളയുമായി എത്തിയപ്പോൾ പ്രതാപൻ കൈകൾ വള അണിയിക്കാനായി നീട്ടിക്കൊടുത്തു.
പകുതി കൈയിൽ കയറിയ വള തിരിച്ചെടുത്ത് അദ്ദേഹം പോക്കറ്റിൽ ഇട്ടു. 2019ലെ തൃശൂർ പാർലമെന്റ് തെരഞ്ഞെടുപ്പ് കണ്വെൻഷൻ കെ. കരുണാകരൻ സ്മാരക ടൗണ്ഹാളിൽ നടക്കുന്നതിനിടെ മഹിളാ കോണ്‍ഗ്രസ് നേതാവ് ചെന്പൂരി ചക്കിപ്പെണ്ണ് കൈകളിൽ അണിഞ്ഞിരുന്ന വള ഊരിനൽകിയ സംഭവം പ്രതാപൻ മാധ്യമങ്ങളെ ഓർമിപ്പിച്ചു.
ജനങ്ങൾ നൽകുന്ന സംഭാവനകളാണ് യുഡിഎഫ് ക്യാന്പിന്റെ ഊർജമെന്നും അദ്ദേഹം പറഞ്ഞു. ഗ്രേസി ജേക്കബിന്റെ പ്രവൃത്തി ആത്മാർപ്പണമായി മാറുകയാണെന്നും അദ്ദേഹം കൂട്ടിച്ചേർത്തു.
District News
കോലഴി: പഞ്ചായത്ത് പ്രസിഡന്റും യുഡിഎഫ് വടക്കാഞ്ചേരി മണ്ഡലം ചെയർമാനുമായ എൻ.എ. സാബുവിന് മർദനം. ഓഫീസിൽ അതിക്രമിച്ചുകയറി കയറി ഇരുമ്പുവടികൊണ്ട് അടിക്കുകയും വയറ്റിൽ ചവിട്ടുകയും ചെയ്തുവെന്നാരോപിച്ച് സിപിഎം ലോക്കൽ കമ്മിറ്റി സെക്രട്ടറി വികാസിനെതിരേ പരാതി നൽകി. പരിക്കേറ്റ സാബുവിനെ തൃശൂർ സഹകരണ ആശുപത്രിയിൽ പ്രവേശിപ്പിച്ചു.
മുൻ ഭരണസമിതിയുടെ തിരിമറികൾ യുഡിഎഫ് ഭരണസമിതി കണ്ടെത്തിയതോടെ അരിശംപൂണ്ട സിപിഎം പ്രവർത്തകർ കഴിഞ്ഞ ഏതാനും ദിവസങ്ങളായി തന്നെ വേട്ടയാടുകയാണെന്നും തന്‍റെ കുടുംബത്തിലുണ്ടായ വഴക്ക് രാഷ്ട്രീയവത്കരിച്ച് തനിക്കെതിരേ പ്രതിഷേധമുയർത്തുകയാണെന്നും ആരോപിച്ച് കഴിഞ്ഞദിവസം സാബു പത്രസമ്മേളനം നടത്തിയിരുന്നു. ഇതിനെത്തുടർന്നാണ് മർദനമെന്നാണ് ആരോപണം. എന്നാൽ പ്രസിഡന്റിനെതിരേ കുടുംബവും ബന്ധുവും നടത്തുന്ന പ്രതിഷേധത്തിന്റെ ബാനർ സാബു വലിച്ചുകീറിയത് ചോദ്യംചെയ്യുകമാത്രമാണ് ചെയ്തതെന്നാണ് സിപിഎം പറയുന്നത്. സാബുവിന്റെ പരാതിയിൽ പോലീസ് കേസെടുത്തിട്ടുണ്ട്.
നടപടിവേണം
കോലഴി: എൻ.എ. സാബുവിനു നേരേയുണ്ടായ ആക്രമണത്തിൽ സിപിഎം ലോക്കല് കമ്മിറ്റി സെക്രട്ടറിക്കെതിരെ കര്ശന നിയമനടപടി സ്വീകരിക്കണമെന്ന് കേരള കോണ്‍ഗ്രസ് വടക്കാഞ്ചേരി നിയോജകമണ്ഡലം കമ്മിറ്റി ആവശ്യപ്പെട്ടു.
ജില്ലാ പ്രസിഡന്‍റ് സി.വി. കുര്യാക്കോസ് യോഗം ഉദ്ഘാടനം ചെയ്തു. നിയോജകമണ്ഡലം വര്ക്കിംഗ് പ്രസിഡന്‍റ് തോമസ് ആളൂര് അധ്യക്ഷത വഹിച്ചു.
സിപിഎം അക്രമം
കാടത്തം:
അഡ്വ. ജോസഫ് ടാജറ്റ്
തൃശൂർ: കോലഴി പഞ്ചായത്ത് പ്രസിഡന്റിനെതിരായ സിപിഎം അക്രമം കാടത്തമെന്ന് ഡിസിസി പ്രസിഡന്‍റ് അഡ്വ. ജോസഫ് ടാജറ്റ്. വടക്കാഞ്ചേരി എംഎൽഎയുടെ ഒത്താശയോടെയാണു പ്രസിഡന്‍റ് എൻ.എ. സാബുവിനെ മർദിച്ചത്. സിപിഎം ലോക്കൽ സെക്രട്ടറി വികാസ് രാജ് കോലഴി പഞ്ചായത്ത് ഓഫീസിൽ കയറിയാണു മർദിച്ചത്. കഴിഞ്ഞദിവസം പഞ്ചായത്ത് വൈസ്പ്രസിഡന്റ് ഉൾപ്പെടെയുള്ള വനിതാ അംഗങ്ങൾക്കു നേരേയും അതിക്രമം നടത്തി. സാബുവിനെ മർദിച്ചവരെ ഉടൻ അറസ്റ്റ് ചെയ്യണമെന്നും കുറ്റക്കാർക്കെതിരേ കർക്കശ നടപടിശയടുക്കണമെന്നും ടാജറ്റ് ആവശ്യപ്പെട്ടു.
District News
നെടുമങ്ങാട്: വെള്ളനാട് - വാളിയറ പ്രദേശത്ത് വീടിനകത്ത് കയറിയ മുള്ളൻപന്നിയെ വെള്ളനാട് പഞ്ചായത്ത് പ്രസിഡന്‍റ് ശശി അടിച്ചു കൊന്നതായി പരാതി. സംഭവത്തെ തുടർന്നു വനംവകുപ്പ് അന്വേഷണം ആരംഭിച്ചു.
വീട്ടിനകത്തെത്തിയ മുള്ളൻപന്നിയെ കണ്ട വീട്ടുകാർ ഉടൻ തന്നെ വനംവകുപ്പിനെ വിവരം അറിയിച്ചു. നാട്ടുകാർ സ്ഥലത്തു കൂടിനിൽക്കുന്നതിനിടെയാണു പഞ്ചായത്ത് പ്രസിഡന്‍റ് ശശി സ്ഥലത്തെത്തി വീടിനകത്തു കയറി ഇരുമ്പുകമ്പി ഉപയോഗിച്ച് മുള്ളൻപന്നിയെ അടിച്ചു കൊന്നതെന്നാണു നാട്ടുകാർ പറയുന്നത്. വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി. നിലവിൽ ശശി ഒളിവിലാണ്. ശശിയുടെ വീട്ടിൽ വനംവകുപ്പ് പരിശോധന നടത്തി.
വന്യജീവി സംരക്ഷണ നിയമപ്രകാരം മുള്ളൻപന്നിയെ കൊല്ലുകയോ, കൈവശം വെക്കുകയോ, മാംസം വിൽക്കുകയോ ചെയ്താൽ കർശനമായ ശിക്ഷ ലഭിക്കും. ചുരുങ്ങിയത് മൂന്നുവർഷം മുതൽ ഏഴു വർഷം വരെ കഠിന തടവും കുറഞ്ഞത് 25,000 രൂപ മുതൽ പിഴയും ലഭിക്കാവുന്നതാണ്.
കുറ്റം ആവർത്തിക്കുന്ന പക്ഷം തടവും പിഴയും കൂടുതൽ കർശനമാക്കും. പന്നിയെ ശശി കമ്പികൊണ്ട് അടിക്കുന്ന ദൃശ്യങ്ങൾ സാമൂഹ്യമാധ്യമങ്ങളിൽ പ്രചരിക്കുകയാണ്. നിരവധി വിവാദങ്ങളും കേസുകളും ഇപ്പോൾ തന്നെ ശശിയുടെ പേരിലുണ്ട്. എന്നാൽ താൻ പന്നിയെ കൊന്നിട്ടില്ലെന്നും വാഹനം ഇടിച്ചു ചത്തുകിടന്ന പന്നി ചത്തുവെന്ന് ഉറപ്പു വരുത്തുകമാത്രമാണ് ചെയ്തതെന്നും വെള്ളനാട് ശശി പറഞ്ഞു.
District News
നിലന്പൂർ: അളക്കൽ വിജയപുരത്തെ അനധികൃത പാറഖനനത്തിനെതിരേ ശക്തമായ നടപടിയെടുക്കുമെന്നും അനധികൃത ക്വാറികൾ അനുവദിക്കില്ലെന്നും ചാലിയാർ ഗ്രാമപഞ്ചായത്ത് പ്രസിഡന്‍റ് അനുശ്രീ സുരേഷ്. ഖനന പ്രദേശം സന്ദർശിച്ച ശേഷം പ്രതികരിക്കുകയായിരുന്നു അവർ.
ലൈസൻസ് ഉൾപ്പെടെ ഒരു രേഖയുമില്ലാതെയാണ് പാറഖനനം നടത്തുന്നതെന്ന് പുള്ളിപ്പാടം വില്ലേജ് ഓഫീസർ ബീന, ചാലിയാർ ഗ്രാമപഞ്ചായത്ത് സെക്രട്ടറി സുനിത എന്നിവർ വ്യക്തമാക്കിയതിനൊപ്പം ദീപിക വിഷയം റിപ്പോർട്ട് ചെയ്തിരുന്നു. ഈ സാഹചര്യത്തിലായിരുന്നു ജനപ്രതിനിധികളുടെ സന്ദർശനം. പഞ്ചായത്തംഗങ്ങളായ അച്ചാമ്മ ജോസഫ്, തോമസ് കുരുവിള, വിജി സുരേഷ് എന്നിവരും പ്രസിഡന്റിനൊപ്പമുണ്ടായിരുന്നു.
പുള്ളിപ്പാടം വില്ലേജ് അധികൃതരും സ്ഥലത്തെത്തിയിരുന്നു. രണ്ട് തവണ സ്റ്റോപ്പ് മെമ്മോ നൽകുകയും ഒരു വാഹനം കസ്റ്റഡിയിലെടുക്കു
കയും ചെയ്തിരുന്നുവെങ്കിലും ശക്തമായ നടപടികൾ പുള്ളിപ്പാടം വില്ലേജ് അധികൃതരുടെ ഭാഗത്തുനിന്നുണ്ടാകാതെ പോയതാണ് വീണ്ടും പാറ ഖനനത്തിന് വഴിതെളിയിച്ചതെന്നാണ് പ്രദേശവാസികളുടെ ആരോപണം.
Kerala
പാലക്കാട്: പ്രധാനമന്ത്രി നരേന്ദ്ര മോദിയുടെ പുസ്തകം വായിച്ച് ആകൃഷ്ടനായി സിപിഎം നേതാവും പൊൽപുള്ളി പഞ്ചായത്ത് പ്രസിഡന്റുമായ ബാലഗംഗാധരൻ ബിജെപിയിൽ ചേർന്നു. 20 വർഷം സിപിഎം ബ്രാഞ്ച് കമ്മിറ്റി അംഗമായിരുന്ന ബാലഗംഗാധരൻ നിലവിൽ പൊൽപുള്ളി പഞ്ചായത്ത് പ്രസിഡന്റാണ്.
പാർട്ടി വ്യക്തിയധിഷ്ടിതമായതിനാലാണ് സിപിഎം വിട്ടതെന്ന് ബാലഗംഗാധരൻ പറഞ്ഞു. പാർട്ടി തന്നെ പലപ്പോഴും മാറ്റിനിർത്തി. സത്യം പറഞ്ഞതിനാണ് മാറ്റിനിർത്തിയതെന്നും ബാലഗംഗാധരൻ പറഞ്ഞു.
ബാലഗംഗാധരനെ ജില്ലാ പ്രസിഡന്‍റ് പ്രശാന്ത് ശിവൻ ബിജെപിയിലേക്ക് സ്വീകരിച്ചു. ബാലഗംഗാധരന്റെെ പാർട്ടി മാറ്റത്തെക്കുറിച്ച് സിപിഎം ഇതുവരെ പ്രതികരിച്ചിട്ടില്ല.
Kerala
കൊച്ചി: ട്വന്‍റി- 20 മുൻ പഞ്ചായത്ത് പ്രസിഡന്‍റ് നിതാ മോൾ എല്ഡിഎഫ് സ്ഥാനാര്ഥിയായി മത്സരിക്കുന്നു. എറണാകുളം ജില്ലാ പഞ്ചായത്തിലെ കോലഞ്ചേരി ഡിവിഷനില് നിന്നാണ് നിതാ മോൾ ജനവിധി തേടുക.
കുന്നത്തുനാട് മുൻ പഞ്ചായത്ത് പ്രസിഡന്റാണ് നിതാ മോൾ. അടുത്തിടെയാണ് നിതാ മോൾ ട്വന്‍റി- 20ൽ നിന്ന് രാജിവച്ചത്.
കഴിഞ്ഞ തദ്ദേശ തെരഞ്ഞെടുപ്പില് എല്ഡിഎഫ്- യുഡിഎഫ് മുന്നണികള്ക്ക് തലവേദനയായി ചെല്ലാനം പഞ്ചായത്തില് രൂപപ്പെട്ട കൂട്ടായ്മയാണ് ട്വന്‍റി-20. അന്ന് ആകെയുള്ള 21 സീറ്റുകളില് എട്ടും നേടിക്കൊണ്ട് ട്വന്‍റി-20 മുന്നേറിയിരുന്നു.
ADVERTISEMENT
ADVERTISEMENT
SPACE FOR ADVERTISEMENT
Copyright © 2026, Rashtra Deepika Ltd. All Rights Reserved.
Design and Development 
Corehub Solutions
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN