പട്ടാമ്പി: കുളപ്പുള്ളി- പട്ടാമ്പി റോഡ് നവീകരണപദ്ധതിയുടെ ഭാഗമായി പട്ടാമ്പി ടൗണിൽ കുടിവെള്ളവിതരണത്തിനായി പുതിയ പൈപ്പിടൽ പുനരാരംഭിച്ചു.
ബസ് സ്റ്റാൻഡിനുള്ളിലെ പമ്പ് ഹൗസിൽനിന്നും പുറത്തേക്കുള്ള പൈപ്പിടലാണ് തുടങ്ങിയത്.
തെരഞ്ഞെടുപ്പിനു മുന്നോടിയായി നിർമാണം നിർത്തിവച്ചിരുന്നു.
കാലപ്പഴക്കമുള്ള പൈപ്പ്ലൈനുകളാണ് ഇതിനായി ഉപയോഗിച്ചത്. വാഹനങ്ങൾ കടന്നുപോകുമ്പോഴുള്ള സമ്മർദംമൂലം പൈപ്പ്ലൈൻ പൊട്ടലും, റോഡ് തകർച്ചയും പതിവ് കാഴ്ചയായിരുന്നു. പൈപ്പ്ലൈൻ മാറ്റാൻ പുതിയ ഫണ്ടുപയോഗിച്ചാണ് പ്രവൃത്തികൾ നടത്തുന്നത്. പൈപ്പ്ലൈനിടൽ പൂർത്തിയായശേഷം പാതയുടെ മറ്റ് നവീകരണപ്രവൃത്തികൾ നടത്തി റോഡ് പൂർണമായും തുറന്നുനൽകും.
റോഡ് നവീകരണം നിലവിൽ പൂർത്തിയായെങ്കിലും പൈപ്പ്ലൈൻ സ്ഥാപിച്ചയിടങ്ങളിൽ മണ്ണ് കൂമ്പാരമായി കിടക്കുന്നത് കാൽനടയാത്രക്കാർ വലിയ ദുരിതമാണ് സൃഷ്ടിക്കുന്നത്.
വ്യാപാര സ്ഥാപനങ്ങളിലേക്ക് നിലവിൽ കയറാനാവാത്ത സാഹചര്യമാണ്. പൊടിശല്യവും രൂക്ഷമായി തുടരുകയാണ്.