കൊച്ചി: ലോജിസ്റ്റിക്സ്, ഷിപ്പിംഗ് വിദ്യാഭ്യാസരംഗത്ത് പുതിയ അധ്യായത്തിന് തുടക്കം കുറിച്ച് പാക്സ് അക്കാദമി ഫോര് ലോജിസ്റ്റിക് ആന്ഡ് ഷിപ്പിംഗ് എല്എല്പി വൊയേജ് എന്നപേരില് പ്രത്യേക പരിപാടി സംഘടിപ്പിച്ചു.
കൊച്ചി പനമ്പിള്ളി നഗറിലെ ദി അവന്യൂ സെന്റര് ഹോട്ടലിലെ ദിവാന്സ് ഹാളില് നടന്ന ചടങ്ങില് വൊയേജ് പരിപാടിയുടെ ഉദ്ഘാടനം കസ്റ്റംസ് ഡെപ്യൂട്ടി കമ്മിഷണര് ടി.പി. സലിം കുമാര് നിര്വഹിച്ചു. ചടങ്ങില് അക്കാദമിയുടെ പുതിയ ബ്രോഷറിന്റെയും വെബ്സൈറ്റിന്റെയും പ്രകാശനവും ഓണ്ലൈന് ക്ലാസുകളുടെ ഔദ്യോഗിക തുടക്കംകുറിക്കലും നടന്നു.
ലോജിസ്റ്റിക്സ്, ഷിപ്പിംഗ് മേഖലകളില് വ്യവസായാധിഷ്ഠിത വിദ്യാഭ്യാസത്തിനും പരിശീലനത്തിനും കൂടുതല് അവസരങ്ങള് ഒരുക്കുകയെന്ന ലക്ഷ്യത്തോടെയാണു പരിപാടി സംഘടിപ്പിച്ചതെന്ന് അക്കാദമി അറിയിച്ചു.
അതിവേഗം മാറിക്കൊണ്ടിരിക്കുന്ന ലോജിസ്റ്റിക്സ്, ഷിപ്പിംഗ്, സപ്ലൈ ചെയിന് മേഖലകളുടെ ആവശ്യങ്ങള്ക്കനുസരിച്ച് പ്രായോഗിക പരിജ്ഞാനവും തൊഴില്ശേഷിയുമുള്ള പ്രഫഷണലുകളെ വാര്ത്തെടുക്കുകയാണ് പാക്സ് അക്കാദമിയുടെ ലക്ഷ്യം.
ഷിപ്പിംഗ് മാനേജ്മെന്റ്, ലോജിസ്റ്റിക്സ് ഓപ്പറേഷന്സ്, വെയര്ഹൗസിംഗ്, കസ്റ്റംസ് ക്ലിയറന്സ്, മള്ട്ടിമോഡല് ട്രാന്സ്പോര്ട്ടേഷന്, എക്സിം നടപടിക്രമങ്ങള് തുടങ്ങിയ മേഖലകളിലാണ് അക്കാദമി വ്യവസായാധിഷ്ഠിത പഠനപരിപാടികള് ഒരുക്കുന്നത്.
Deepika
E-paper LOGIN
LOGIN
