4

ന്യൂ​ഡ​ൽ​ഹി: ഭാ​വി​യി​ൽ പെ​ട്രോ​ൾ, ഡീ​സ​ൽ വാ​ഹ​ന​ങ്ങ​ൾ​ക്ക് രാ​ജ്യ​ത്ത് സ്ഥാ​ന​മു​ണ്ടാ​കി​ല്ലെ​ന്ന് കേ​ന്ദ്ര ഉ​പ​രി​ത​ല ഗ​താ​ഗ​ത മ​ന്ത്രി നി​തി​ൻ ഗ​ഡ്ക​രി. പ​രി​സ്ഥി​തി സൗ​ഹൃ​ദ​വും ചെ​ല​വ് കു​റ​ഞ്ഞ​തു​മാ​യ ബ​ദ​ൽ ഇ​ന്ധ​ന​ങ്ങ​ളി​ലേ​ക്ക് വാ​ഹ​ന നി​ർ​മാ​താ​ക്ക​ൾ എ​ത്ര​യും വേ​ഗം മാ​റ​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു. 'ബ​സ്‌​വേ​ൾ​ഡ് ഇ​ന്ത്യ കോ​ൺ​ക്ലേ​വ് 2025'-ൽ ​മു​ഖ്യ​പ്ര​ഭാ​ഷ​ണം ന​ട​ത്തു​ക​യാ​യി​രു​ന്നു അ​ദ്ദേ​ഹം.

ഫോ​സി​ൽ ഇ​ന്ധ​ന​ങ്ങ​ളു​ടെ ഉ​പ​യോ​ഗം കു​റ​യ്ക്കു​ന്ന​തി​ലൂ​ടെ പൊ​തു​ഗ​താ​ഗ​ത സം​വി​ധാ​ന​ത്തി​ൽ വി​പ്ല​വ​ക​ര​മാ​യ മാ​റ്റ​ങ്ങ​ൾ കൊ​ണ്ടു​വ​രാ​ൻ സാ​ധി​ക്കു​മെ​ന്നും മ​ന്ത്രി ചൂ​ണ്ടി​ക്കാ​ട്ടി. സി​എ​ൻ​ജി, എ​ൽ​എ​ൻ​ജി, ബ​യോ ഫ്യൂ​വ​ലു​ക​ൾ, ഇ​ല​ക്ട്രി​ക് വാ​ഹ​ന​ങ്ങ​ൾ എ​ന്നി​വ​യി​ലേ​ക്ക് ക​മ്പ​നി​ക​ൾ കൂ​ടു​ത​ൽ ശ്ര​ദ്ധ കേ​ന്ദ്രീ​ക​രി​ക്ക​ണം. പെ​ട്രോ​ളി​യം ഉ​ത്പ​ന്ന​ങ്ങ​ളു​ടെ ഇ​റ​ക്കു​മ​തി രാ​ജ്യ​ത്തി​ന് വ​ലി​യ സാ​മ്പ​ത്തി​ക ഭാ​ര​വും പ​രി​സ്ഥി​തി പ്ര​ശ്ന​ങ്ങ​ളും ഉ​ണ്ടാ​ക്കു​ന്നു​ണ്ട്.
‌
ഭാ​വി​യി​ലെ ഇ​ന്ധ​നം ഹൈ​ഡ്ര​ജ​നാ​ണ്. രാ​ജ്യ​ത്തെ 10 പ്ര​ധാ​ന റൂ​ട്ടു​ക​ളി​ൽ ഹൈ​ഡ്ര​ജ​ൻ ട്ര​ക്കു​ക​ളും ബ​സു​ക​ളും പ​രീ​ക്ഷ​ണാ​ടി​സ്ഥാ​ന​ത്തി​ൽ ഓ​ടി​ച്ചു തു​ട​ങ്ങി​യി​ട്ടു​ണ്ട്. ടാ​റ്റാ മോ​ട്ടോ​ഴ്‌​സ്, വോ​ൾ​വോ, അ​ശോ​ക് ലെ​യ്‌​ല​ൻ​ഡ് തു​ട​ങ്ങി​യ മു​ൻ​നി​ര ക​മ്പ​നി​ക​ൾ ഈ ​പ​ദ്ധ​തി​യി​ൽ സ​ഹ​ക​രി​ക്കു​ന്നു​ണ്ട്. ഇ​ന്ത്യ​യി​ൽ സു​ല​ഭ​മാ​യി നി​ർ​മ്മി​ക്കാ​ൻ ക​ഴി​യു​ന്ന എ​ഥ​നോ​ൾ ഇ​ന്ധ​ന​മാ​യി ഉ​പ​യോ​ഗി​ക്കു​ന്ന ഫ്ലെ​ക്സ്-​ഫ്യൂ​വ​ൽ എ​ഞ്ചി​നു​ക​ൾ വി​ക​സി​പ്പി​ക്കാ​ൻ നി​ർ​മാ​താ​ക്ക​ൾ ത​യ്യാ​റാ​ക​ണം.

ബ​സു​ക​ളു​ടെ ബോ​ഡി നി​ർ​മ്മാ​ണ​ത്തി​ലും സു​ര​ക്ഷ​യി​ലും ഇ​നി സ്വ​യം സാ​ക്ഷ്യ​പ്പെ​ടു​ത്ത​ൽ അ​നു​വ​ദി​ക്കി​ല്ല. വാ​ഹ​ന​ങ്ങ​ളു​ടെ ഫി​സി​ക്ക​ൽ, വീ​ഡി​യോ പ​രി​ശോ​ധ​ന​ക​ൾ​ക്ക് ശേ​ഷം മാ​ത്ര​മേ 'വാ​ഹ​ൻ' പോ​ർ​ട്ട​ലി​ൽ ര​ജി​സ്ട്രേ​ഷ​ൻ അ​നു​വ​ദി​ക്കൂ. ഗു​ണ​മേ​ന്മ​യ്ക്കും സു​ര​ക്ഷ​യ്ക്കു​മാ​യി​രി​ക്ക​ണം ക​മ്പ​നി​ക​ൾ മു​ൻ​ഗ​ണ​ന ന​ൽ​കേ​ണ്ട​ത്.

അ​ടു​ത്ത മൂ​ന്ന് വ​ർ​ഷ​ത്തി​നു​ള്ളി​ൽ രാ​ജ്യ​ത്ത് 1.5 ല​ക്ഷം ഇ​ല​ക്ട്രി​ക് ബ​സു​ക​ളു​ടെ ആ​വ​ശ്യ​ക​ത ഉ​ണ്ടാ​കു​മെ​ന്നാ​ണ് ക​ണ​ക്കാ​ക്കു​ന്ന​ത്. എ​ന്നാ​ൽ നി​ല​വി​ൽ പ്ര​തി​വ​ർ​ഷം 70,000 ബ​സു​ക​ൾ നി​ർ​മ്മി​ക്കാ​നു​ള്ള ശേ​ഷി മാ​ത്ര​മേ ഇ​ന്ത്യ​യ്ക്കു​ള്ളൂ. ഈ ​വി​ട​വ് നി​ക​ത്താ​ൻ നി​ർ​മ്മാ​താ​ക്ക​ൾ കൂ​ടു​ത​ൽ നി​ക്ഷേ​പം ന​ട​ത്ത​ണ​മെ​ന്നും മ​ന്ത്രി നി​ർ​ദ്ദേ​ശി​ച്ചു.