4

കൊ​ച്ചി: മ​ല​പ്പു​റം പൂ​ക്കി​പ്പ​റ​മ്പി​ൽ 44 പേ​രു​ടെ ജീ​വ​ൻ ന​ഷ്ട​പ്പെ​ട്ട ബ​സ് അ​പ​ക​ട​ത്തി​ൽ ഡ്രൈ​വ​ർ​ക്ക് അ​ഞ്ച് വ​ർ​ഷം ത​ട​വും ര​ണ്ട് ല​ക്ഷം പി​ഴ​യും വി​ധി​ച്ചു. 25 വ​ർ​ഷം മു​ൻ​പ് ന​ട​ന്ന അ​പ​ക​ട​ത്തി​ലാ​ണ് ഹൈ​ക്കോ​ട​തി ശി​ക്ഷ വി​ധി​ച്ച​ത്.

രാ​മ​നാ​ട്ടു​ക​ര സ്വ​ദേ​ശി സു​ധീ​ർ​കു​മാ​റി​നെ​യാ​ണ് കോ​ട​തി ശി​ക്ഷി​ച്ച​ത്. 2001 മാ​ർ​ച്ച് 11ന് ​ആ​യി​രു​ന്നു കേ​സി​ന് ആ​സ്പ​ദ​മാ​യ സം​ഭ​വം ന​ട​ന്ന​ത്. ഗു​രു​വാ​യൂ​രി​ൽ നി​ന്ന് ത​ല​ശേ​രി​യി​ലേ​ക്ക് സ​ർ​വീ​സ് ന​ട​ത്തി​യി​രു​ന്ന പ്ര​ണ​വം എ​ന്ന സ്വ​കാ​ര്യ ബ​സ് ആ​ണ് അ​പ​ക​ട​ത്തി​ൽ​പ്പെ​ട്ട​ത്.

മ​ല​പ്പു​റം പൂ​ക്കി​പ്പ​റ​മ്പി​ൽ വ​ച്ച് ബ​സ് മ​റ്റൊ​രു കാ​റു​മാ​യി ഇ​ടി​ച്ച് മ​റി​യു​ക​യാ​യി​രു​ന്നു. തു​ട​ർ​ന്ന് ബ​സ് പൂ​ർ​ണ​മാ​യും ക​ത്തി ന​ശി​ക്കു​ക​യും യാ​ത്ര​ക്കാ​ർ വെ​ന്ത് മ​രി​ക്കു​ക​യു​മാ​യി​രു​ന്നു. 44 പേ​രാ​ണ് അ​പ​ക​ട​ത്തി​ൽ മ​രി​ച്ച​ത്.

കേ​സി​ൽ വി​ചാ​ര​ണ കോ​ട​തി സു​ധീ​ർ​കു​മാ​റി​നെ ര​ണ്ട് വ​ർ​ഷം ത​ട​വി​ന് ശി​ക്ഷി​ച്ചി​രു​ന്നു. ഇ​തി​നെ​തി​രെ സ​ർ​ക്കാ​ർ ന​ൽ​കി​യ അ​പ്പീ​ലി​ലാ​ണ് ഉ​ത്ത​ര​വ്. അ​പ​ക​ട​ത്തി​ന് മു​ൻ‌​പ് യാ​ത്ര​ക്കാ​ർ ബ​സി​ന്‍റെ വേ​ഗം കു​റ​യ്ക്കാ​ൻ ആ​വ​ശ്യ​പ്പെ​ട്ടി​ട്ടും പ്ര​തി ത​യാ​റാ​യി​ല്ലെ​ന്നും കോ​ട​തി ക​ണ്ടെ​ത്തി​യി​രു​ന്നു.