19

കൊച്ചേട്ടന്‍റെ കത്ത്

പ്രി​യ കൂ​ട്ടു​കാ​രേ,

ഒ​രു ഒ​ഴി​ഞ്ഞ തെ​രു​വോ​രം. യൂ​ണി​ഫോ​മി​ട്ട, അ​ഞ്ചോ ആ​റോ ആ​ൺ​കു​ട്ടി​ക​ളും പെ​ൺ​കു​ട്ടി​ക​ളും. ആ​ൺ​കു​ട്ടി​ക​ളോ​ടൊ​പ്പം പെ​ൺ​കു​ട്ടി​ക​ളും സി​ഗ​ര​റ്റു വ​ലി​ക്കു​ന്നു. ചി​ല​ർ മ​ദ്യം ക​ഴി​ക്കു​ന്നു... മ​യ​ക്കു​മ​രു​ന്നി​ന്‍റെ പൈ​ശാ​ചി​ക ല​ഹ​രി​യി​ൽ ചി​ല​ർ കു​ഴ​ഞ്ഞ് നി​ല​ത്തു​വീ​ഴു​ന്നു. ചി​ല​ർ ആ​ൺ‌​കു​ട്ടി​ക​ളു​ടെ തോ​ളി​ൽ ചാ​രി​വീ​ണു നി​ൽ​ക്കു​ന്നു... ചി​ല​ർ മ​ണ്ണി​ലൂ​ടെ ഇ​ഴ​യു​ന്നു. ചി​ല​ർ സ​മീ​പ​ത്തു​ള്ള പാ​ട​ത്തി​ലേ​ക്കി​റ​ങ്ങി അ​വി​ടെ​യു​മി​വി​ടെ​യും വീ​ണു​കി​ട​ക്കു​ന്നു! അ​വ​രു​ടെ ക​ഴു​ത്തി​ലെ ഐ​ഡ​ന്‍റി​റ്റി കാ​ർ​ഡ് ആ​ടി​യു​ല​യു​ന്നു! ഐ​ഡ​ന്‍റി​റ്റി കാ​ർ​ഡി​ൽ‌ അ​വ​രു​ടെ പേ​രി​നൊ​പ്പം, അ​വ​രു​ടെ അ​ച്ഛ​ന്‍റെ പേ​രും നി​ല​ത്തു​വീ​ണ് വി​രൂ​പ​മാ​കു​ന്നു!

സ​മീ​പ​കാ​ല​ത്ത് സോ​ഷ്യ​ൽ മീ​ഡി​യാ​യി​ൽ വ്യാ​പ​ക​മാ​യി പ്ര​ച​രി​ച്ച പ​ല വീ​ഡി​യോ​ക​ളി​ലെ ദൃ​ശ്യ​ങ്ങ​ളാ​ണ്, ഞാ​ൻ മു​ക​ളി​ൽ വി​വ​രി​ച്ച​ത്!

കൂ​ട്ടു​കാ​രേ, മാ​ർ​ച്ച് എ​ട്ട്, ലോ​ക വ​നി​താ​ദി​ന​മാ​ണ്. വ​നി​താ​ദി​ന​ത്തി​ൽ സ്ത്രീ​ത്വ​ത്തി​ന്‍റെ മ​ഹി​മ​യും !ഔ​ന്ന​ത്യ​വും ലോ​കം വാ​ഴ്ത്തി​പ്പാ​ടും. സ്ത്രീ ​പു​രു​ഷ സ​മ​ത്വം എ​ന്ന സം​സ്കൃ​ത സ​മൂ​ഹ​ത്തി​ന്‍റെ നി​ത്യ​ല​ക്ഷ്യ​ത്തി​ലേ​ക്കു​ള്ള ദൂ​ര​മ​ള​ക്കാ​ൻ, ഫെ​മി​നി​സ​ക്കാ​രു​ൾ​പ്പെ​ടെ, നി​ര​വ​ധി സം​വി​ധാ​ന​ങ്ങ​ൾ തി​ര​ക്കു​കൂ​ട്ടും! ആ​ദ​ർ​ശ​വ​തി​ക​ളാ​യി, ത്യാ​ഗോ​ജ്വ​ല ജീ​വി​തം ന​യി​ച്ച ധീ​ര​വ​നി​ത​ക​ളെ, ന​ല്ല അ​മ്മ​മാ​രെ, മ​ക്ക​ൾ സ്നേ​ഹം​കൊ​ണ്ട് പു​ത​പ്പി​ക്കും.

ജ​ന​കോ​ടി​ക​ൾ​ക്ക് അ​ക്ഷ​ര​വും അ​റി​വും പ​ക​ർ​ന്ന്, ജീ​വി​ത​ത്തി​ന്‍റെ ജ്ഞാ​ന​വി​ള​ക്കു​ക​ളാ​യി തെ​ളി​ഞ്ഞു​വി​ള​ങ്ങു​ന്ന ആ​യി​ര​ക്ക​ണ​ക്കി​നു ടീ​ച്ച​ർ​മാ​രെ, എ​ണ്ണ​മ​റ്റ ശി​ഷ്യ​സ​മൂ​ഹം ഗു​രു​ത്വ​ത്തി​ന്‍റെ മാ​തൃ​ഭാ​വം നു​ണ​ഞ്ഞു​കൊ​ണ്ട് അ​നു​സ്മ​രി​ക്കും. വി​വി​ധ രാ​ജ്യ​ങ്ങ​ളി​ലും മ​ത​ങ്ങ​ളി​ലും രാ​ഷ്ട്രീ​യ​ത്തി​ലു​മെ​ല്ലാം ധീ​ര​മാ​യ നേ​തൃ​ത്വം ന​ൽ​കി, കു​ടും​ബ​ത്തെ​യും സം​ഘ​ട​ന​യേ​യും, സ്ഥാ​പ​ന​ങ്ങ​ളേ​യും, എ​ന്തി​ന് രാ​ജ്യ​ങ്ങ​ളെ​ത്ത​ന്നെ​യും വി​ജ​യ​ക​ര​മാ​യി ന​യി​ച്ച് ലോ​ക​ത്തെ ഇ​ന്നും അ​തി​ശ​യി​പ്പി​ക്കു​ന്ന ധീ​ര​വ​നി​താ ര​ത്ന​ങ്ങ​ളെ ആ​ദ​ര​വോ​ടെ നാം ​പ്ര​ശം​സി​ക്കും! സ്ത്രീ - ​അ​മ്മ​യാ​ണ്, ദേ​വി​യാ​ണ്, പ​ത്നി​യാ​ണ്, പെ​ങ്ങ​ളാ​ണ്, മ​ക​ളാ​ണ് എ​ന്നെ​ല്ലാം. സ്നേ​ഹ​മാ​ണ്, ത്യാ​ഗ​മാ​ണ്, സേ​വ​ന​മാ​ണ്, സ​ഹ​ന​മാ​ണ് എ​ന്നെ​ല്ലാം, നാ​ടു​മു​ഴു​വ​ൻ നാ​ൽ​ക്ക​വ​ല​ക​ളി​ൽ നി​ര​വ​ധി​പേ​ർ പ്ര​സം​ഗി​ക്കും.

ഇ​തെ​ല്ലാം ചെ​യ്യേ​ണ്ട​താ​ണ്. ന​മ്മു​ടെ അ​മ്മ​യും സ​ഹോ​ദ​ര​ങ്ങ​ളു​മു​ൾ​പ്പെ​ടെ​യു​ള്ള എ​ല്ലാ സ്ത്രീ​ക​ളും ആ​ദ​രി​ക്ക​പ്പെ​ട​ണം. പു​രു​ഷ​നും സ്ത്രീ​യും ദൈ​വ​ത്തി​ന്‍റെ മ​ഹ​നീ​യ സൃ​ഷ്ടി​ക​ളെ​ന്ന നി​ല​യി​ൽ സ​മ​ത്വ​വും തു​ല്യ​നീ​തി​യും പ​ങ്കി​ട​ണം. ഈ ​ല​ക്ഷ്യ​ങ്ങ​ളും ആ​ദ​ർ​ശ​ങ്ങ​ളും ആ​ദ​രി​ക്ക​പ്പെ​ടു​ന്പോ​ഴും ഈ കത്തിന്‍റെ തു​ട​ക്ക​ത്തി​ൽ കണ്ട ജെ​ൻ സി ​ത​ല​മു​റ​യി​ൽ​നി​ന്നു മു​ഴ​ങ്ങു​ന്ന അ​പാ​യ​മ​ണി മു​ഴ​ക്ക​ങ്ങ​ൾ ആ​ർ​ക്കു​വേ​ണ്ടി​യാ​ണ് എ​ന്ന് നാം ​ഉ​ള്ളു​ണ​ർ​ന്നു വി​ചി​ന്ത​നം ചെ​യ്യ​ണം!

പു​തി​യ ത​ല​മു​റ​യി​ൽ വ​ലി​യൊ​ര​ള​വ് പെ​ൺ​കു​ട്ടി​ക​ൾ, പെ​ണ്മ​യു​ടെ കു​ലീ​ന​ത​യും മ​ഹ​ത്വും അ​റി​ഞ്ഞ് അ​തി​ന​നു​സ​രി​ച്ച് ജീ​വി​ത മൂ​ല്യ​ങ്ങ​ൾ സ്വാ​യ​ത്ത​മാ​ക്കു​ന്ന​വ​രാ​ണ്. മാ​താ​പി​താ​ക്ക​ളെ​യും ഗു​രു​ജ​ന​ങ്ങ​ളെ​യും ദേ​വ​സ​മം ആ​ദ​രി​ക്കു​ന്ന പെ​ൺ​മ​ക്ക​ൾ ഏ​റെ​യു​ണ്ട്.

എ​ന്നാ​ൽ, മ​ദ്യ​ത്തി​നും മ​യ​ക്കു​മ​രു​ന്നി​നും അ​ടി​മ​ക​ളാ​കാ​ൻ ക്യൂ​നി​ൽ​ക്കു​ന്ന പെ​ൺ​കു​ട്ടി​ക​ളു​ടെ എ​ണ്ണം ഭീ​തി​പ​ര​ത്തു​ന്നു​ണ്ട്. അ​വ​ർ​ക്ക് എ​ന്താ​ണ് പ​റ്റു​ന്ന​ത്‍്? പു​രു​ഷ​ന്മാ​രു​ടെ വ​സ്ത്രം ധ​രി​ച്ചാ​ലോ, പു​ക​വ​ലി​യും മ​ദ്യ​പാ​ന​വും തു​ട​ങ്ങി​യാ​ലോ, പു​രു​ഷ​ന്മാ​രാ​കാ​നോ, സ്ത്രീ - ​പു​രു​ഷ​സ​മ​ത്വം നേ​ടാ​നോ ക​ഴി​യി​ല്ല എ​ന്നാ​ർ​ക്കാ​ണ് അ​റി​യാ​ത്ത​ത്?

കൂ​ട്ടു​കാ​രേ, ദൈ​വം ഭൂ​വി​നു ന​ൽ​കി​യ ഏ​റ്റ​വും വ​ലി​യ സ​മ്മാ​ന​മാ​ണ് സ്തീ​ത്വം. സ്ത്രീ​ത്വ​ത്തി​ൽ മാ​തൃ​ത്വം ഉ​ണ്ട്. അ​തി​ന്‍റെ വാ​ത്സ​ല്യ​വും ലാ​ള​ന​യും, ക​രു​ത​ലും കാ​രു​ണ്യ​വും ഉ​ണ്ട്. സ്ത്രീ ​ത​ന്‍റെ നി​ല​യും വി​ല​യും മ​റ​ന്ന്, പു​രു​ഷ​ന്മാ​രു​ടെ ദുഃ​ശ്ശീ​ല​ങ്ങ​ളി​ൽ അ​ടി​മ​ക​ളാ​യാ​ൽ, പെ​ൺ​കു​ട്ടി പു​ക​വ​ലി​യും മ​ദ്യ​പാ​ന​വും തു​ട​ങ്ങി​യാ​ൽ അ​പ​രി​ചി​ത​രു​ടെ പീ​ഢി​ത ശൃം​ഖ​ല​ക​ളി​ൽ കു​രു​ങ്ങി​വീ​ണാ​ൽ, സ​മ​ത്വ​മോ,സ്വാ​ത​ന്ത്ര്യ​മോ ല​ഭി​ക്കി​ല്ല എ​ന്നു മാ​ത്ര​മ​ല്ല, എ​ന്നെ​ന്നും അ​പ​മാ​ന​ത്തി​ന് കാ​ര​ണ​മാ​വു​ക​യും ചെ​യ്യും!

അ​തി​നാ​ൽ, പ്രി​യ പൂ​ങ്കു​യി​ലു​ക​ളേ, സ്ര​ഷ്ടാ​വാ​യ ദൈ​വ​പി​താ​വ് നി​ങ്ങ​ൾ​ക്കു ന​ൽ​കി​യ സ്ത്രൈ​ണ​ത​യു​ടെ മാ​തൃ​ത്വ​ത്തി​ന്‍റെ മാ​ന​വി​ക​ത​യു​ടെ എ​ല്ലാ ന​ന്മ​ക​ൾ​ക്കും ഈ​ണ​മി​ടു​ക! ജീ​വി​തം​കൊ​ണ്ട്, ആ​ല​പി​ക്കു​ക. അ​ങ്ങ​നെ സ്ര​ഷ്ടാ​വി​ന്‍റെ നി​യോ​ഗം നി​റ​വേ​റ്റു​ക. കാ​ര​ണം, സ്ത്രീ ​പു​രു​ഷ സ​മ​ത്വ​ത്തി​ലാ​ണ് പ്ര​പ​ഞ്ച​ത്തി​ന്‍റെ നി​ല​നി​ൽ​പ്പ് ദൈ​വം ക്ര​മ​പ്പെ​ടു​ത്തി​യി​രി​ക്കു​ന്ന​ത്. ആ ​വാ​ഴ്വ് വാ​ഴ്ത്ത​പ്പെ​ട​ട്ടെ!

സ​സ്നേ​ഹം, സ്വ​ന്തം കൊ​ച്ചേ​ട്ട​ൻ